Fréttir

28. júní 2019 16:08

Landsbankinn breytir vöxtum

Breytilegir vextir óverðtryggðra íbúðalána lækka um 0,20 prósentustig. Aðrir breytilegir útlánsvextir í krónum lækka um 0,20 - 0,25 prósentustig.

Fastir vextir óverðtryggðra íbúðalána til 36 og 60 mánaða lækka um 0,10 prósentustig. Fastir vextir verðtryggðra íbúðalána til 60 mánaða lækka einnig um 0,10 prósentustig.

Breytilegir vextir óverðtryggðra innlána í krónum lækka í flestum tilvikum um 0,05 - 0,20 prósentustig, en standa í einhverjum tilvikum í stað.

Engar breytingar eru gerðar á breytilegum vöxtum verðtryggðra inn- og útlána.

Vextir á sparireikningum í erlendri mynt ýmist hækka eða lækka.


Nánari upplýsingar í nýrri vaxtatöflu Landsbankans sem tekur gildi 1. júlí 2019

 

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista