Fréttir

27. júní 2019 15:10

Þrjátíu skólar fengu styrk úr sjóðnum Forritarar framtíðarinnar

30 skólar fengu styrk úr sjóðnum Forritarar framtíðarinnar fyrr í mánuðinum. Tilgangur sjóðsins er að efla forritunar- og tæknimenntun í grunn- og framhaldsskólum landsins. Styrkurinn nemur tæpum 12 milljónum króna.

Sú breyting hefur orðið frá fyrri árum að sjóðurinn styrkir nú einnig námsefnisgerð og kaup á smærri tækjum til forritunar- og tæknikennslu auk tölvubúnaðar. Mikil ánægja er með nýjar áherslur og aldrei hafa fleiri skólar sótt um styrk.

Skólarnir sem fengu styrk eru: Sandgerðisskóli, Vatnsendaskóli, Giljaskóli, Fellaskóli, Ingunnarskóli, Holtaskóli, Háaleitisskóli Reykjanesbæ, Árskóli, Hrafnagilsskóli, Klébergsskóli, Bíldudalsskóli, Selásskóli, Smáraskóli, Grunnskóli Seltjarnarness, Skarðshlíðaskóli, Fossvogsskóli, Oddeyrarskóli, Foldaskóli, Flataskóli, Vættaskóli, Brekkubæjarskóli, Nesskóli, Gunnskólinn Hellu, Njarðvíkurskóli, Norðlingaskóli, Bláskógarskóli, Hólabrekkuskóli, Fellaskóli Fellabæ, Húnavatnsskóli Háteigsskóli, Leikskólinn Álfaheiði,

Sigfríður Sigurðardóttir, formaður stjórnar Forritara framtíðarinnar:

„Breytingarnar koma í kjölfar samráðs við þá sem notið hafa stuðnings Forritara framtíðarinnar. Okkur þótti mikilvægt að hlusta á hverjar þarfir þeirra væru og þróa sjóðinn í takt við breytingar í umhverfi skólanna og laga starfsemi hans að þörfum þeirra. Með þessu uppfyllum við betur markmið sjóðsins, sem er að stuðla að aukinni fræðslu og áhuga meðal barna og unglinga á forritun og tækni, að tækjavæða skólana, auka þjálfun og endurmenntun kennara og stuðla að því að forritun verði hluti af námskrá grunn- og framhaldsskóla. Það gleður okkur mjög hversu góðar viðtökur nýjar áherslur sjóðsins hafa fengið og við hlökkum til áframhaldandi uppbyggingar og samstarfs við grunn- og framhaldsskóla landsins.“

Hollvinir sjóðsins eru Landsbankinn, RB, Íslandsbanki, CCP, Icelandair, Össur, KOM ráðgjöf, Webmo design og mennta- og menningarmálaráðuneytið.

Nánar um Forritara framtíðarinnar

Stjórn Forritara framtíðarinnar. Frá vinstri: Sigfríður Sigurðardóttir formaður, Elsa Ágústsdóttir, Arnheiður Guðmundsdóttir, Friðrik G. Guðnason og Bjarki Snær Bragason.

04. desember 2020 13:37

Jólin koma – með Gunna og Felix

Félagarnir Gunni og Felix bjóða börnum á öllum aldri á skemmtilega jólasýningu á Facebook-síðu Landsbankans, sunnudaginn 6. desember kl. 14.00.


Nánar

04. desember 2020 13:00

Landsbankahúsið við Pólgötu á Ísafirði til sölu

Hús Landsbankans við Pólgötu 1 á Ísafirði verður auglýst til sölu um helgina. Húsið, sem var reist á árunum 1956-1958, setur sterkan svip á umhverfi sitt og er almennt talið eitt af fallegustu húsum miðbæjarins.


Nánar

04. desember 2020 12:20

Hagsjá: Mánaðaryfirlit yfir gjaldeyrismarkaðinn

Evran lækkaði um 3,2% og Bandaríkjadalur um 5,6% gagnvart krónunni í nóvember. Velta á gjaldeyrismarkaði í nóvember var 32,5 ma.kr. (201 m.evra). Hlutdeild Seðlabankans var 43%


Nánar

Skráðu þig á póstlista