Fréttir

27. maí 2019 14:11

Innköllun á endurskinsmerkjum

Landsbankinn innkallar hér með endurskinsmerki sem afhent hafa verið í útibúum bankans frá september 2017. Ástæðan er sú að við athugun Umhverfisstofnunar á merkjunum komu upp frávik frá reglum um efnainnihald.

Endurskinsmerkin sem um ræðir eru með myndum af Sprotunum og eru merkt Landsbankinn ÍST EN 13356.

Foreldrar og forráðamenn barna sem hafa fengið endurskinsmerkin afhent eru beðin um að hætta notkun vörunnar og skila þeim sem plasti á næstu endurvinnslustöð eða í næsta útibú bankans. Landsbankinn hyggst útvega aðra gerð af endurskinsmerkjum og er stefnt að því nýju merkin verði til afhendingar í útibúum bankans í haust.

Viðskiptavinir sem fengu endurskinsmerkin afhent eru boðnir velkomnir í næsta útibú til að velja sér aðra gjafavöru í þeirra stað. Beðist er velvirðingar á óþægindunum sem þetta veldur.

Tilkynning Umhverfisstofnunar

Wycofanie zawieszek odblaskowych

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista