Fréttir

13. maí 2019 12:28

Borgaðu með símanum í maí og þú færð 1.000 Aukakrónur

Nú geta allir borgað með símanum og þeir viðskiptavinir Landsbankans sem borga með síma eða snjallúri hjá samstarfsaðilum Aukakróna á tímabilinu 13.- 31. maí 2019 fá 1.000 Aukakrónur að gjöf frá Landsbankanum.*

Hægt er að greiða með Aukakrónum hjá fjölbreyttum hópi samstarfsaðila þar sem finna má yfir 250 fyrirtæki í verslun og þjónustu um allt land. Meðal þeirra má nefna Dominos, Krónuna, 66°Norður, Olís, ÓB, verslanir skor.is og verslanir Bestseller.

Ein Aukakróna gildir sem ein íslensk króna. Þeir viðskiptavinir sem þegar eru í Aukakrónusöfnun munu fá Aukakrónurnar greiddar inn á skráð úttektarkort. Aðrir viðskiptavinir munu fá sent nýtt úttektarkort með inneign upp á 1.000 Aukakrónur. 

Aukakrónur verða greiddar út til viðskiptavina ef greitt er einu sinni eða oftar með síma eða öðru snjalltæki hjá samstarfsaðila. Aukakrónurnar verða greiddar út í júní.

Það er einfalt og öruggt að borga með símanum. Hægt er að skrá bæði debet- og kreditkort í Apple Pay eða Android-kortaappið og borga með símanum eða öðrum snjalltækjum.

Allt um Aukakrónur og virkni þeirra má finna á www.aukakronur.is.

Nánar um Apple Pay

Nánar um Android-kortaapp Landsbankans

*Á ekki við um handahafa fyrirtækjakorta.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar