Fréttir

07. febrúar 2019 16:16

Ársskýrsla Landsbankans 2018 aðgengileg á vefnum

Ársskýrsla Landsbankans fyrir árið 2018 er nú aðgengileg á vef bankans. Ársskýrslan er eingöngu gefin út á rafrænu formi. Í ársskýrslunni er með aðgengilegum hætti fjallað um helstu þætti í rekstri bankans á árinu 2018.

Fjöldi nýjunga í stafrænni þjónustu

Sjaldan eða aldrei hafa orðið jafnmiklar breytingar á þjónustu Landsbankans og á árinu 2018. Bankinn kynnti þá um 20 nýjungar í stafrænni þjónustu fyrir einstaklinga og fyrirtæki. Fjölmörg erindi sem áður kröfðust heimsóknar í útibú er nú hægt að leysa í sjálfsafgreiðslu hvenær sem viðskiptavinum hentar. Í ársskýrslunni er m.a. fjallað um þessar nýjungar, s.s. nýtt Landsbankaapp, kortaapp bankans sem gerir viðskiptavinum kleift að greiða með símanum, rafrænt greiðslumat og rafrænt lánaumsóknarferli.

Mesta markaðshlutdeild og ánægðari viðskiptavinir

Rekstur Landsbankans gekk vel á árinu 2018. Markaðshlutdeild Landsbankans á bankamarkaði hefur aukist jafnt og þétt og er sú mesta á landinu, fimmta árið í röð. Hlutdeild bankans á einstaklingsmarkaði mælist nú 37,8% og 34% á fyrirtækjamarkaði. Ánægja með þjónustuna mælist hærri en fyrr, traust til bankans hefur vaxið og kannanir Gallup sýna að viðskiptavinir Landsbankans eru líklegri til að mæla með sínum banka en viðskiptavinir annarra banka.

Í ársskýrslunni er umfjöllun um fjölbreytta þjónustu bankans við einstaklinga og fyrirtæki um allt land, stefnu bankans og markmið. Fjallað er um samfélagsábyrgð, mannauðs- og jafnréttismál og stuðning bankans við samfélagið. Þar er sömuleiðis umfjöllun um fjármál og fjármögnun bankans, áhættustjórnun og ýmislegt fleira.

Ársskýrslan eingöngu rafræn frá 2015

Ársskýrsla Landsbankans hefur eingöngu verið gefin út á rafrænu formi frá árinu 2015. Markmiðið með rafrænni útgáfu er að auka gagnsæi og auðvelda almenningi og öðrum hagsmunaaðilum að kynna sér rekstur og starfshætti bankans. Útgáfukostnaður er lægri og útgáfan umhverfisvænni.

Ársskýrsla Landsbankans fyrir árið 2018

12. desember 2019 12:42

Umræðan: Græn fjármögnun sveitarfélaga

Tilgangurinn með fyrirhugaðri útgáfu Lánasjóðs sveitarfélaga á grænum skuldabréfum er að fjármagna verkefni sveitarfélaga sem stuðla að umhverfisvernd. Á Umræðunni er rætt við Óttar Guðjónsson, framkvæmdastjóra Lánasjóðsins og Hrefnu Ösp Sigfinnsdóttur, framkvæmdastjóra Markaða Landsbankans um græna skuldabréfaútgáfu sem fer vaxandi á heimsvísu.


Nánar

10. desember 2019 10:22

Gjaldeyrisviðskipti Landsbankans í takt við FX Global Code

Landsbankinn hefur undirritað yfirlýsingu um að bankinn ætli að haga gjaldeyrisviðskiptum sínum í samræmi við FX Global Code sem eru alþjóðlegar reglur um góða framkvæmd gjaldeyrisviðskipta. Reglunum er ætlað að stuðla að trausti, sanngirni og viðeigandi gagnsæi á gjaldeyrismarkaði.


Nánar

12. desember 2019 14:34

Hagsjá: Minnsta fækkun ferðamanna eftir brotthvarf WOW air

Dregið hefur úr fækkun erlendra ferðamanna á síðustu mánuðum.


Nánar