Fréttir

12. október 2018 10:13

Hægt að sjá hvort tölvan hafi sýkst vegna svikapósts

Fyrir stuttu var sendur út svikapóstur í nafni lögreglunnar. Tilgangurinn var að fá fólk til að hlaða niður tölvuvírusnum Remcos-Shadesoul. Með því að leita að tilteknum skrám í tölvum er hægt að sjá hvort þær séu sýktar af vírusnum.

Vírusinn er afar varasamur en hann opnar m.a. leið fyrir tölvuþrjóta til að ná stjórn á tölvum og nálgast upplýsingar úr þeim. Honum er sérstaklega ætlað að safna gögnum um notendur netbanka á Íslandi sem nota Windows-stýrikerfi. Landsbankinn hvetur alla sem fengu umræddan svikapóst, smelltu á hlekkinn sem vísaði yfir á svikasíðuna og hlóðu þar niður skrá, að taka málið alvarlega.

Slökkva á sýktri vél og skipta um lykilorð

Ef þú opnaðir skrána sem tölvupósturinn fjallaði um er hægt að ganga úr skugga um hvort að tölvan sé sýkt með því að leita að eftirfarandi skrám:

  • Windows 93.exe
  • PrivatacyCleanzer.vbs
  • UniMP Softwares.vbs

Finnir þú þessar skrár á vélinni þinni bendum við þér á að slökkva á tölvunni og hafa samband við viðurkenndan þjónustuaðila áður en þú kveikir á henni aftur.

Í kjölfarið er ráðlagt að breyta um lykilorð í netbankann á ósýktri vél eða í appi Landsbankans.

Ef þú telur þig ekki hafa næga þekkingu til að leita að umræddum skrám, hvetjum við þig til að hafa samband við viðurkenndan þjónustuaðila.

Nánari upplýsingar um skrárnar

Full slóð og heiti á skrám eru eftirfarandi:

  • %userprofile%\AppData\Local\Temp\Windows 93.exe
  • %userprofile%\AppData\Roaming\Microsoft\Windows\Start Menu\Programs\Startup\PrivatacyCleanzer.vbs
  • %userprofile%\AppData\Roaming\Microsoft\Windows\Start Menu\Programs\Startup\UniMP Softwares.vbs

Frétt á vef lögreglunnar um svikapóstana

Við mælum með að allir noti vírusvörn en bendum jafnframt á að engin vírusvörn veitir fullkomið öryggi. Nánari upplýsingar um vírusvarnir má m.a. nálgast á vef Landsbankans.

Verum vakandi – umfjöllun um netöryggi á Umræðunni

 

18. júní 2019 14:54

Umræðan: Fleiri góð ráð um kortanotkun í útlöndum

Greiðslukortasérfræðingur hjá Landsbankanum mælir með því að fólk greiði með snertilausum hætti, annað hvort með Apple Pay, kortaappinu eða með því að nota snertilausa virkni greiðslukorta. Þannig minnki hætta á að óviðkomandi sjái PIN-númerið.


Nánar

11. júní 2019 13:36

Umræðan: Viðskiptavinir Landsbankans tóku Apple Pay fagnandi

Apple Pay fór fyrst í loftið í Bandaríkjunum í október 2014. Fyrir um einum mánuði, í byrjun maí 2019, þegar Landsbankinn og Arion banki buðu viðskiptavinum sínum að nota lausnina, varð Ísland 38. Apple Pay-landið. En hvað er Apple Pay og af hverju var lausnin svo lengi að ná Íslandsströndum?


Nánar

18. júní 2019 09:25

Vikubyrjun 18. júní 2019

Sé litið á tölur úr verðsjá Þjóðskrár Íslands um þróun fasteignaverðs í stærri bæjum (sveitarfélögum) á milli 1. ársfjórðungs 2018 og 2019 má sjá að verð hækkaði mun minna á höfuðborgarsvæðinu en í stærri bæjum utan höfuðborgarsvæðisins á því tímabili.


Nánar