Fréttir

20. september 2018 09:51

Landsbankinn fjármagnar framkvæmdir við nýja stúdentagarða Háskólans í Reykjavík

Landsbankinn og Háskólinn í Reykjavík (HR) hafa gert samning um að Landsbankinn veiti framkvæmdalán til nýrra stúdentagarða háskólans við Öskjuhlíð. Í Háskólagörðunum verða 125 íbúðir til útleigu fyrir stúdenta.

Samningarnir voru undirritaðir í gær, 19. september, stuttu eftir að fyrsta skóflustungan var tekin að byggingunni. Um er að ræða fyrsta áfanga Háskólagarða HR og verður byggingin tæplega 5.900 fermetrar á 4-5 hæðum. Baðherbergi og eldunaraðstaða verður í öllum íbúðum en þvottarými og önnur slík aðstaða verður sameiginleg. Áætlað er íbúðirnar verði teknar í notkun haustið 2020 og að heildarkostnaður verði um 2,6 milljarðar króna.

Lilja B. Einarsdóttir, bankastjóri Landsbankans, Ari Kristinn Jónsson, rektor HR og Árni Þór Þorbjörnsson, framkvæmdastjóri Fyrirtækjasviðs Landsbankans undirrituðu samninginn.

Gert ráð fyrir 390 íbúðum

Í deiliskipulagi fyrir lóð HR við Öskjuhlíð er gert ráð fyrir byggingu samtals 390 íbúða. Þetta eru allt frá litlum einstaklingsíbúðum, um 25 m2 að stærð, upp í um 80 m2 þriggja herbergja íbúðir. Nokkrar íbúðanna munu einnig nýtast til leigu og tímabundinnar búsetu fyrir starfsfólk HR og starfsfólk fyrirtækja sem starfa innan HR og annarra þekkingarfyrirtækja sem tengjast háskólanum. Auk íbúða verður þjónustukjarni með fjölbreyttri þjónustu syðst á svæðinu, næst HR. Uppbyggingin mun fara fram í fjórum áföngum. Kanon arkitektar hanna byggingarnar og Jáverk mun reisa þær.

Samtals er gert ráð fyrir 390 íbúðum í nýjum stúdentagörðum.

Nánar um nýja stúdentagarða Háskólans í Reykjavík

14. janúar 2020 13:31

Kostnaður við flutning á séreignarsparnaði felldur niður

Landsbankinn og Íslenski lífeyrissjóðurinn hafa ákveðið að fella niður kostnað við flutning á séreignarsparnaði til annarra vörsluaðila. Íslenski lífeyrissjóðurinn verður þar með fyrstur stóru séreignarsjóðanna til að fella þennan kostnað niður.


Nánar

13. janúar 2020 10:28

Sýning á Kjarvalsmyndum Landsbankans í Austurstræti 11

Opnuð hefur verið sýning á 24 verkum eftir Jóhannes S. Kjarval sem eru í eigu Landsbankans. Sýningin er haldin í útibúi bankans við Austurstræti 11 og er opin á afgreiðslutíma útibúsins.


Nánar

10. janúar 2020 13:00

Breytingar á þjónustu í Austurstræti

Fjármálaráðgjöf verður færð úr útibúi Landsbankans við Austurstræti yfir í Vesturbæjarútbú við Hagatorg. Áfram verður hægt að fá gjaldkeraþjónustu í Austurstræti og leysa úr ýmsum erindum, t.d. virkjun rafrænna skilríkja og stofnun netbanka. Þá verður þar hægt að fá aðstoð og kennslu við að nýta stafrænar lausnir bankans.


Nánar