Fréttir

21. ágúst 2018 23:30

Dælan og fimm eldsneytisstöðvar til sölu

Einnig til sölu dagvöruverslun á Hellu

N1 hf. býður til sölu annars vegar rekstur fimm eldsneytisstöðva ásamt vörumerkinu „Dælunni“ og tilheyrandi eignum og hins vegar rekstur dagvöruverslunar á Hellu ásamt tilheyrandi eignum.

Áhugasömum fjárfestum er bent á að hafa samband við Fyrirtækjaráðgjöf Landsbankans sem hefur umsjón með söluferlinu fyrir hönd N1. Fyrirspurnir má senda á netfangið fyrirtaekjaradgjof@landsbankinn.is. Fjárfestar fá fjárfestakynningu afhenta gegn undirritun trúnaðaryfirlýsingar og gera tilboð á grundvelli þeirra gagna. Óskað er eftir tilboðum í annars vegar eldsneytisreksturinn og hins vegar dagvöruverslunina.

Frestur til að skila óskuldbindandi tilboðum er til klukkan 16.00 þann 13. september 2018. Tilboðum skal skilað á sérstöku tilboðseyðublaði sem nálgast má hjá Fyrirtækjaráðgjöf Landsbankans.

Nánari upplýsingar eru í eftirfarandi skjölum.

Dælan - samantekt

Dagvöruverslun á Hellu - samantekt

Tengt efni

Fleiri eignir til sölu

Stefna Landsbankans um um sölu eigna

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar