Fréttir

13. júlí 2018 13:48

Ný persónuverndarstefna Landsbankans og réttindagátt

Landsbankinn hefur sett sér nýja persónuverndarstefnu  og uppfært almenna viðskiptaskilmála bankans. Í nýrri persónuverndarstefnu Landsbankans eru ítarlegar upplýsingar um hvenær, hvernig og í hvaða tilgangi bankinn vinnur persónuupplýsingar auk þess sem fram kemur hvernig bankinn tryggir öryggi upplýsinganna.

Einstaklingum eru einnig falin tiltekin réttindi, m.a. til upplýsinga og aðgangs að eigin persónuupplýsingum. Til að einfalda og aðstoða viðskiptavini við að neyta réttinda sinna hefur bankinn opnað réttindagátt á vefsíðu bankans þar sem viðskiptavinir geta t.d. óskað eftir aðgangi að þeim persónuupplýsingum sem bankinn vinnur um viðkomandi.

Persónuvernd og trúnaður um persónuupplýsingar viðskiptavina hefur ávallt verið lykilatriði í starfsemi bankans. Landsbankinn hefur þegar aðlagað starfsemi sína að auknum kröfum nýrra persónuverndarlaga sem taka gildi 15. júlí 2018 og mun áfram tryggja örugga og ábyrga meðferð persónuupplýsinga sem nýttar eru til að veita viðskiptavinum persónubundna þjónustu og ráðgjöf.

Breyting á lögum um persónuvernd er gerð vegna nýrrar reglugerðar Evrópusambandsins um persónuvernd og vinnslu persónuupplýsinga. Á Umræðunni er hægt að lesa ítarlega umfjöllun um nýju löggjöfina og áhrif sem hún hefur á almenning og fyrirtæki.

Mun strangari löggjöf um persónuvernd

06. júlí 2020 09:10

Umræðan: Hvort borgar sig að leigja eða kaupa?

Stundum eru notaðar einfaldar aðferðir til þess að meta hvort hagstæðara sé að leigja eða kaupa húsnæði. Þá er markaðsverði eignarinnar oft stillt upp á móti ársleigu reiknað á fermetra.


Nánar

06. júlí 2020 07:24

Vikubyrjun 6. júlí 2020

Nokkur breyting hefur orðið á vaxtakjörum íbúðalána sem standa heimilunum til boða. Þannig hafa breytilegir vextir óverðtryggðra íbúðalána viðskiptabankanna lækkað um helming á síðustu 10 árum. Samhliða þessari lækkun hafa heimilin verið að færa sig í auknu mæli yfir í óverðtryggð lán. Rúmlega 22% húsnæðisskulda voru óverðtryggðar í upphafi árs 2019 en í lok apríl 2020 var hlutfallið komið upp í 29%.


Nánar

03. júlí 2020 10:53

Hagsjá: Mánaðaryfirlit yfir gjaldeyrismarkaðinn

Krónan veiktist um 2,8% gagnvart evrunni og 1,7% gagnvart Bandaríkjadal í júní. Velta á gjaldeyrismarkaði nam 42,2 mö.kr. (276 m.evra) í júní.


Nánar

Skráðu þig á póstlista