Fréttir

05. júní 2018 12:07

Viðurkenning fyrir bestu samfélagsskýrslu ársins


Landsbankinn hlaut hinn 5. júní sl. viðurkenningu fyrir bestu samfélagsskýrslu ársins 2018 en viðurkenningin er veitt af Festu, Stjórnvísi og Viðskiptaráði. Þetta var í fyrsta sinn sem viðurkenningin er veitt.

Í niðurstöðu dómnefndar segir m.a. að samfélagsskýrsla Landsbankans sé til fyrirmyndar og hljóti viðurkenningu sem besta samfélagsskýrslan árið 2018. „Af lestri hennar að ráða er ljóst að samfélagsstefna bankans er mótuð með víðtækri aðkomu starfsmanna og að samfélagsábyrgð er hluti af kjarnastarfsemi bankans. Í skýrslunni er fjallað ítarlega um valda mælikvarða og samanburð á milli ára sem sett er fram á myndrænan hátt. Lesandinn fær góða mynd af umfangi og þróun samfélagsábyrgðar, þeim markmiðum og meginverkefnum sem tekin eru til umfjöllunar,“ segir þar ennfremur. Framsetningin skýrslunnar er sögð einstaklega skýr og auðvelt fyrir almennan lesanda að fá yfirsýn yfir einstaka málaflokka en einnig heildaryfirsýn yfir samfélagsábyrgð hjá bankanum. Lesendur eigi einnig kost á að kafa dýpra í málefnin. Jafnvægi í skýrslunni sé gott og skýrslan sett fram með þeim hætti að til umfjöllunar eru einnig atriði sem hægt væri að líta á sem neikvæð en eru óhjákvæmilega hluti af rekstri félagsins.

Niðurstöðu dómnefndar í heild má lesa á vef Festu

Aðgengilegri útgáfa á vefformi

Samfélagsskýrsla Landsbankans hefur undanfarin tvö ár komið út á vefformi og er tilgangurinn sá að gera innihald hennar aðgengilegra fyrir lesendur.

Landsbankinn hefur árlega gefið út samfélagsskýrslu frá árinu 2011. Í samfélagsskýrslu bankans er viðmiðum Global Reporting Initiative (GRI) er fylgt en bankinn hefur verið aðili að sáttmála Sameinuðu þjóðanna um samfélagsábyrgð, UN Global Compact, í meira en áratug.

Samfélagsskýrsla Landsbankans fyrir árið 2017


19. október 2020 13:36

HEIMA fékk Gulleggið í ár

Viðskiptahugmyndin Heima sigraði í Gullegginu 2020, frumkvöðlakeppni Icelandic Startups. Heima er smáforrit sem skiptir húsverkum og huglægu byrðinni af heimilishaldi jafnt á milli sambýlinga.


Nánar

19. október 2020 07:59

Vikubyrjun 19. október 2020

Greiðslukortavelta Íslendinga í verslunum hér á landi jókst um 7% milli ára í september, sé miðað við fast verðlag. Síðan í maí, þegar fyrsta bylgja faraldursins var að líða undir lok, hefur mælst stöðug aukning á kortaveltu Íslendinga innanlands samanborið við sama mánuð í fyrra.


Nánar

16. október 2020 14:02

Hagsjá: Spáum 3,5% verðbólgu í október

Hagstofan birtir októbermælingu vísitölu neysluverðs (VNV) fimmtudaginn 29. október. Hagfræðideild Landsbankans spáir 0,35% hækkun milli mánaða. Gangi spáin eftir verður verðbólgan óbreytt í 3,5%.


Nánar

Skráðu þig á póstlista