Fréttir

28. maí 2018 17:00

Nýr afgreiðslutími í hluta útibúa Landsbankans

Í júní tekur nýr afgreiðslutími gildi í hluta af útibúum Landsbankans. Um leið verða gerðar breytingar á útibúi Landsbankans við Hagatorg í Vesturbæ Reykjavík. Með þessu er þjónustan í útibúunum aðlöguð að breyttum aðstæðum í bankaþjónustu en viðskiptavinir kjósa í auknum mæli að nota stafrænar lausnir til að sinna bankaviðskiptum og fara því sjaldnar í útibú en áður.

Landsbankinn leggur mikla áherslu á stafræna tækni. Undanfarnar vikur og mánuði hefur bankinn kynnt fjölmargar nýjar stafrænar þjónustuleiðir, þar á meðal Landsbankaappið, en áður hafði bankinn m.a. boðið viðskiptavinum að stilla sjálfir yfirdráttinn í netbankanum, sækja rafrænt um greiðsludreifingu kreditkorta og ljúka greiðslumati vegna íbúðalána á netinu. Fleiri nýjungar verða kynntar til sögunnar á næstunni. Í öllum tilvikum hafa viðtökurnar verið mjög góðar og það er ljóst að viðskiptavinir vilja geta sinnt sínum bankaviðskiptum í símanum eða tölvunni, hvar og hvenær sem er. Tækniþróun undanfarinna ára gerir það m.a. að verkum að heimsóknum í útibú hefur fækkað og ýmsir þættir bankastarfsemi krefjast færra starfsfólks en áður. Landsbankanum er það engu að síður mjög mikilvægt að reka öflugt útibúanet en alls rekur bankinn 37 útibú og afgreiðslur um allt land.

Breytingarnar hafa allar komið til framkvæmda. Upplýsingar um opnunartíma má nálgast á vef bankans.


Eftirfarandi breytingar verða gerðar á afgreiðslutíma
Núverandi afgreiðslutími Nýr afgreiðslutími
Breiðdalsvík 12.30-16.00 12.00-15.00
Djúpivogur 11.00-16.00 12.00-15.00
Hvammstangi 9.00-16.00 12.00-15.00
Kópasker 12.00-16.00 12.00-15.00
Neskaupstaður 9.00-16.00 12.00-15.00
Patreksfjörður 9.00-16.00 12.00-15.00
Raufarhöfn 12.00-15.30 12.00-15.00
Skagaströnd 9.00-16.00 12.00-15.00
Vopnafjörður 12.30-16.00 12.00-15.00
Þorlákshöfn 9.00-16.00 12.00-15.00
Þórshöfn 12.30-16.00 12.00-15.00

Samhliða þessum breytingum verður útibú bankans við Hagatorg gert að afgreiðslu frá útibúinu við Austurstræti 11. Bakvinnslustörf í útibúinu við Hagatorg verða lögð niður og bakvinnslustörfum í höfuðstöðvum bankans fækkar. Starfsfólki við Hagatorg mun því fækka en viðskiptavinir ættu ekki að verða varir við miklar breytingar á þjónustu.

Nánari upplýsingar er hægt að fá í viðkomandi útibúum, með því að hringja í Þjónustuver Landsbankans í s. 410 4000 eða senda tölvupóst í netfangið info@landsbankinn.is.

 

20. maí 2019 11:13

Heimsmarkmiðin hluti af samfélagsstefnu Landsbankans

Landsbankinn ákvað nýlega að að fylgja heimsmarkmiðum Sameinuðu þjóðanna með markvissum hætti í sinni starfsemi. Hrefna Ösp Sigfinnsdóttir, framkvæmdastjóri Markaða, fjallar um samfélagsábyrgð bankans í viðtali á Umræðunni.


Nánar

17. maí 2019 10:01

Þjóðhags- og verðbólguspá Hagfræðideildar Landsbankans 2019-2021

Eftir samfelldan hagvöxt frá og með árinu 2011 er komið að tímamótum í hagsveiflunni. Í kjölfar áfalla í ferðaþjónustu og sjávarútvegi er nú útlit fyrir efnahagssamdrátt á yfirstandandi ári. Samdrátturinn verður lítill og skammvinnur.


Nánar

13. maí 2019 12:28

Borgaðu með símanum í maí og þú færð 1.000 Aukakrónur

Nú geta allir borgað með símanum og þeir viðskiptavinir Landsbankans sem borga með síma eða snjallúri hjá samstarfsaðilum Aukakróna á tímabilinu 13.- 31. maí 2019 fá 1.000 Aukakrónur að gjöf frá Landsbankanum.


Nánar