Fréttir

18. maí 2018 18:15

Landsbankinn setur upp rúbluhraðbanka í Smáralind

Landsbankinn hefur sett upp rúbluhraðbanka í Smáralind í tilefni af heimsmeistaramótinu í fótbolta sem hefst í Rússlandi í júní. Fjöldi Íslendinga er á leið á HM í Rússlandi en rússneskar rúblur eru alla jafna ekki fáanlegar á Íslandi. Rúbluhraðbankinn er á 2. hæð Smáralindar, við útganginn úr Smárabíói. Athygli er vakin á því að aðeins er hægt að nálgast rúblur í rúbluhraðbankanum.

Landsbankinn er stoltur styrktaraðili Knattspyrnusambands Íslands og knattspyrnulandsliðanna. Fyrsti leikur Íslands á HM verður gegn Argentínu í Moskvu þann 16. júní. Þar í borg getur cappuccino-bolli kostað um 172 rúblur eða 290 krónur og ein ferð í strætó kostar 53 rúblur eða 90 krónur.

Það er gott að hafa smávegis gjaldeyri meðferðis erlendis eins og fjallað er um í nýrri grein á Umræðunni um góð ráð um kortanotkun í útlöndum. Í rúbluhraðbankanum í Smáralind eru 1.000 rúblaseðlar og á vef bankans er hægt að fá upplýsingar um gengi rúblunnar.

Eftir að HM lýkur getur fólk skipt rúbluseðlum aftur yfir í íslenskar krónur. Það verður þó væntanlega aðeins í boði í takmarkaðan tíma og því hvetjum við Rússlandsfara til að skipta afgangsrúblunum fljótlega eftir að heim er komið.

Áfram Ísland!

27. mars 2020 14:05

Hagsjá: Verðbólga áfram undir markmiði

Vísitala neysluverðs (VNV) hækkaði um 0,23% milli mánaða í mars og mælist verðbólgan nú 2,1% samanborið við 2,4% í febrúar. Þessi mæling kom lítið á óvart, en opinberar spár lágu á bilinu 0,2% og 0,3%. Við höfðum spáð 0,3%.


Nánar

27. mars 2020 13:00

Samfélagsskýrsla Landsbankans aðgengileg á netinu

Samfélagsskýrsla Landsbankans fyrir árið 2019 er nú aðgengileg á vef bankans. Í skýrslunni er fjallað ítarlega um samfélagsábyrgð bankans og áhrif starfseminnar á umhverfi og samfélag.


Nánar

25. mars 2020 09:32

Hagsjá: Erfiðir tímar fram undan á vinnumarkaði - en kaupmáttur heldur enn við

Þrátt fyrir mun minni launabreytingar en á síðustu árum er kaupmáttur enn að aukast miðað við fyrra ár þó hann hafi minnkað eilítið í febrúar. Kaupmáttur launa var þannig 2,4% meiri nú í febrúar en í febrúar í fyrra. Það er reyndar athyglisverð staða að kaupmáttur sé enn að aukast þegar hallað hefur undan fæti í efnahagslífinu. Um næstu mánaðamót verður áfangahækkun í mörgum kjarasamningum þannig að þess má vænta að kaupmáttur aukist aftur, en þegar líður á árið má búast við því að mjög erfitt ástand á vinnumarkaðnum fari að sjást á kaupmáttartölum.


Nánar