Fréttir

13. apríl 2018 10:22

Mikill vöxtur hjá Íslenska lífeyrissjóðnum


Rekstur Íslenska lífeyrissjóðsins gekk sérlega vel á árinu 2017. Sjóðurinn hélt áfram að vaxa og sjóðsfélögum fjölgaði. Ávöxtun á árinu var góð en nafnávöxtun deilda sjóðsins var á bilinu 6,2- 6,6%. Hrein raunávöxtun samtryggingardeildar var 4,8%. Hrein raunávöxtun Líf I, sem er stærsta séreignardeild sjóðsins, var 4,5%. Meðaltal hreinnar raunávöxtunar í Líf I sl. fimm ár er 5,5%.

Hrein eign til greiðslu lífeyris hækkar

Hrein eign til greiðslu lífeyris var 70,7 milljarðar króna í lok árs 2017 og hafði vaxið um 9,5 milljarða króna frá fyrra ári en það samsvarar 15,5% vexti á árinu.

Mikil fjölgun virkra sjóðsfélaga

Virkum sjóðsfélögum, þ.e. einstaklingum sem að jafnaði greiða mánaðarleg iðgjöld til sjóðsins, hélt áfram að fjölga og voru þeir 13.245 í árslok 2017 samanborið við 11.781 í árslok 2016. Það samsvarar 12,4% fjölgun á árinu. Í lok árs 2017 áttu 34.801 sjóðsfélagar réttindi í sjóðnum og hafði þeim fjölgað um 4.301 á árinu.

Vöxtur í iðgjöldum

Samfara fjölgun sjóðsfélaga og hækkun launa jukust iðgjöld til sjóðsins mikið. Á árinu 2017 námu iðgjöld 7,4 milljörðum króna, samanborið við 6,2 milljarða króna á árinu 2016, sem er 19,6% hækkun á milli ára.

Lífeyrisgreiðslur og greiðslur inn á lán

Lífeyrisgreiðslur á árinu 2017 námu 766 milljónum króna samanborið við 671 milljónir króna árið 2016. Á árinu 2017 fengu 3.602 sjóðfélagar greiddan séreignarsparnað inn á fasteignalán, samtals að fjárhæð 1,3 milljarðar króna.

Góð tryggingafræðileg staða

Tryggingafræðileg staða samtryggingardeildar batnaði frá fyrra ári en í lok árs 2017 voru heildareignir deildarinnar 0,9% hærri en heildarskuldbindingar.

Sjálfstæður lífeyrissjóður

Íslenski lífeyrissjóðurinn er sjálfstæður lífeyrissjóður sem starfar skv. lögum um lífeyrissjóði og er undir eftirliti Fjármálaeftirlitsins. Fjórir af fimm stjórnarmönnum eru kosnir af sjóðsfélögum. Sjóðurinn er með rekstrarsamning við Landsbankann sem sér um daglegan rekstur sjóðsins. Framkvæmdastjóri sjóðsins er Ólafur Páll Gunnarsson og sjóðsstjóri er Pétur Pétursson.

Ársfundur Íslenska lífeyrissjóðsins verður haldinn föstudaginn 27. apríl kl. 17.00 í útibúi Landsbankans að Austurstræti 11.

Ársreikningur Íslenska lífeyrissjóðsins 2017


20. september 2018 15:16

Landsbankinn greiðir 9,5 milljarða króna í sérstaka arðgreiðslu

Landsbankinn greiddi þann 19. september sl. 9,5 milljarða króna í sérstaka arðgreiðslu. Bankinn hefur þar með greitt 24,8 milljarða króna í arð árinu 2018 og alls nema arðgreiðslur bankans um 131,7 milljörðum króna frá árinu 2013. Um 99,7% af arðgreiðslum ársins renna í ríkissjóð.


Nánar

20. september 2018 15:15

Tólf áhugaverð verkefni á sviði umhverfismála hlutu styrk

Endurhæfingarstöð fyrir slasaða ránfugla og framleiðsla á námsefni um matarsóun eru meðal þeirra tólf verkefna sem hlutu umhverfisstyrki úr Samfélagssjóði Landsbankans 19. september. Fjögur verkefni fengu 650 þúsund krónur hvert og átta verkefni 300 þúsund krónur, samtals fimm milljónir króna.


Nánar

20. september 2018 09:51

Landsbankinn fjármagnar framkvæmdir við nýja stúdentagarða Háskólans í Reykjavík

Landsbankinn og Háskólinn í Reykjavík (HR) hafa gert samning um að Landsbankinn veiti framkvæmdalán til nýrra stúdentagarða háskólans við Öskjuhlíð. Í Háskólagörðunum verða 125 íbúðir til útleigu fyrir stúdenta.


Nánar