Fréttir

11. apríl 2018 10:35

Berglind Svavarsdóttir kjörin varaformaður bankaráðs Landsbankans

Berglind Svavarsdóttir hæstaréttarlögmaður hefur verið kjörin varaformaður bankaráðs Landsbankans. Bankaráð er kjörið á aðalfundi til eins árs í senn. Formaður bankaráðs er kjörinn á hluthafafundi en bankaráð kýs sér varaformann á fyrsta fundi eftir kjör þess.

Berglind Svavarsdóttir lauk lagaprófi frá Háskóla Íslands árið 1989, öðlaðist réttindi sem héraðsdómslögmaður árið 1995 og sem hæstaréttarlögmaður árið 2008. Berglind er meðeigandi hjá Lögfræðistofu Reykjavíkur. Hún hefur gegnt ýmsum stjórnarstörfum og sat m.a. í stjórn Lögmannafélags Íslands 2015-2017, þar af sem varaformaður 2016-2017. Berglind var fyrst kjörin í bankaráð Landsbankans í apríl 2016.

Formaður bankaráðs er Helga Björk Eiríksdóttir.

Nánari upplýsingar um bankaráð Landsbankans


06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

24. febrúar 2020 08:37

Hagsjá: Minnstu launabreytingar í níu ár - en kaupmáttur enn á uppleið

Þrátt fyrir mun minni launabreytingar en á síðustu árum er kaupmáttur enn að aukast. Kaupmáttur launa var þannig 3,2% meiri nú í janúar en í janúar í fyrra. Árið í fyrra var níunda árið í röð sem kaupmáttur launa jókst frá fyrra ári. Kaupmáttur dróst saman árin 2008-2010 en hafði aukist á hverju ári í 13 ár þar á undan.


Nánar

24. febrúar 2020 08:20

Vikubyrjun 24. febrúar 2020

Verulega hefur hægt á vexti einkaneyslu frá árinu 2017 samhliða hægari kaupmáttaraukningu launa. Upplýsingar um kortaveltu á 4. ársfjórðungi síðasta árs benda hins vegar til þess að nokkur aukning hafi orðið á einkaneyslu á þeim fjórðungi.


Nánar