Fréttir

13. mars 2018 16:05

Opinn fundur á Akureyri um varnir gegn fjársvikum

Landsbankinn og Samtök atvinnurekenda á Akureyri standa fyrir opnum fundi á Akureyri fimmtudaginn 15. mars um hvernig fyrirtæki geta varist fjársvikum. Tilraunum til slíkra svika hefur fjölgað á undanförnum árum en í mörgum tilfellum senda svikararnir fölsk skilaboð í nafni stjórnenda til að komast inn fyrir varnir fyrirtækja.

Tilraunum til að svíkja fé af fyrirtækjum hefur fjölgað mikið undanfarin tvö ár. Fyrirtæki geta varið sig gegn ýmis konar netárásum með öryggiskerfum en þau duga skammt við að verjast fyrirmælafölsun en eitt mikilvægasta vopnið gegn fyrirmælafölsun er fræðsla og vitundarvakning hjá starfsfólki fyrirtækja. Fyrirmælafölsun er stundum einnig nefnd stjórnendasvik (e. CEO-fraud). Svikin fara þannig fram að fjársvikararnir villa á sér heimildir og þykjast vera stjórnendur í fyrirtækinu sem svikatilraunin beinist gegn og senda trúverðug fyrirmæli á starfsmenn um að millifæra fé með hraði.

Á fundinum fjalla þeir Hákon L. Åkerlund og Guðmundur Ö. Ingvarsson, sérfræðingar í öryggismálum hjá Landsbankanum, um einkenni svikatilraunanna og varnir gegn þeim.

Fundurinn verður haldinn á efri hæð Greifans við Glerárgötu 20, fimmtudaginn 15. mars kl. 12.00–13.00. Húsið verður opnað kl. 11.45 og fundur hefst stundvíslega kl. 12.00.

Landsbankinn leggur mikla áherslu á öryggismál. Á Umræðunni, efnis- og fréttaveitu bankans, er ítarleg umfjöllun um netöryggismál sem á erindi við einstaklinga og fyrirtæki.

Öryggisátak Landsbankans á Umræðunni


18. desember 2018 15:19

Landsbankinn mun fylgja nýjum viðmiðum Sameinuðu þjóðanna um ábyrga bankastarfsemi

Landsbankinn hefur ákveðið að undirrita yfirlýsingu um að fylgja nýjum viðmiðum UNEP FI um ábyrga bankastarfsemi (Principles for Responsible Banking) sem ætlað er að tengja bankastarfsemi við Heimsmarkmið Sameinuðu þjóðanna og Parísarsamkomulagið.


Nánar

17. desember 2018 11:33

Hægt að breyta heimild á kreditkortum í netbankanum og Landsbankaappinu

Nú geta viðskiptavinir Landsbankans sjálfir breytt úttektarheimild á kreditkortum í Landsbankaappinu og í netbanka einstaklinga. Svigrúm til hækkunar á úttektarheimild byggir á lánaramma sem reiknar út lántökuheimild með sjálfvirkum hætti.


Nánar

17. desember 2018 15:16

Jóhann Íslandsmeistari í hraðskák eftir sigur á Friðriksmóti Landsbankans

Stórmeistarinn Jóhann Hjartarson sigraði á Friðriksmóti Landsbankans – Íslandsmótinu í hraðskák – sem fram fór laugardaginn 15. desember í útibúi bankans í Austurstræti. FIDE-meistarinn Ingvar Þór Jóhannesson varð annar. Ferðafélagarnir og landsliðsmennirnir, Helgi Áss Grétarsson og Guðmundur Kjartansson urðu jafnir í 3.-4. sæti.


Nánar