Fréttir

09. mars 2018 16:16

Ljósmyndakeppni Klassa - úrslit

Vinnu dómnefndar í ljósmyndakeppni Klassa er lokið og ljóst hverjir báru sigur úr býtum þetta árið. Innsendar myndir í keppnina voru tæplega 200 talsins og gaman var að sjá hversu fjölbreytt og skemmtilegt myndefnið var. Dómnefnd fékk það erfiða verk að velja sjö myndir úr öllum þeim fjölmörgu og góðu myndum sem sendar voru inn og var ein þeirra valin sigurmyndin.

Sigurvegari ljósmyndakeppninnar í ár er Gunnar Egill Guðlaugsson en hann sendi inn skemmtilega mynd af sér í sinni tómstund, sem er klifur. Gunnar Egill hlýtur iPad mini í verðlaun.

Sjö bestu tómstundamyndirnar:

Gunnar Egill Guðlaugsson - Klifur
Brimir Birgisson - Ljósmyndun
Embla Líf Hreinsdóttir - Ballett
Kristján Uni Jensson - Fjallahjólreiðar
Magnea Ósk Indriðadóttir - Fimleikar
María Sól Jósepsdóttir - Sund
Tinna Hrönn Einarsdóttir - Júdó

20. september 2018 15:16

Landsbankinn greiðir 9,5 milljarða króna í sérstaka arðgreiðslu

Landsbankinn greiddi í gær 9,5 milljarða króna í sérstaka arðgreiðslu. Bankinn hefur þar með greitt 24,8 milljarða króna í arð árinu 2018 og alls nema arðgreiðslur bankans um 131,7 milljörðum króna frá árinu 2013. Um 99,7% af arðgreiðslum ársins renna í ríkissjóð.


Nánar

20. september 2018 15:15

Tólf áhugaverð verkefni á sviði umhverfismála hlutu styrk

Endurhæfingarstöð fyrir slasaða ránfugla og framleiðsla á námsefni um matarsóun eru meðal þeirra tólf verkefna sem hlutu umhverfisstyrki úr Samfélagssjóði Landsbankans 19. september. Fjögur verkefni fengu 650 þúsund krónur hvert og átta verkefni 300 þúsund krónur, samtals fimm milljónir króna.


Nánar

20. september 2018 09:51

Landsbankinn fjármagnar framkvæmdir við nýja stúdentagarða Háskólans í Reykjavík

Landsbankinn og Háskólinn í Reykjavík (HR) hafa gert samning um að Landsbankinn veiti framkvæmdalán til nýrra stúdentagarða háskólans við Öskjuhlíð. Í Háskólagörðunum verða 125 íbúðir til útleigu fyrir stúdenta.


Nánar