Fréttir

07. mars 2018 07:45

Fjallað um framtíð höfuðborgarsvæðisins í tengslum við Verk og vit

Stórsýningin Verk og vit verður haldin í fjórða skipti dagana 8.–11. mars næstkomandi í Laugardalshöll. Í tengslum við sýninguna er haldin ráðstefna um framtíð höfuðborgarsvæðisins í samstarfi við Landsbankann og Samtök iðnaðarins.

Verk og vit er ætluð þeim sem koma að byggingaiðnaði, skipulagsmálum og mannvirkjagerð á ýmsum stigum, s.s. sveitarfélögum, verktökum, iðnaðar- og þjónustufyrirtækjum, menntastofnunum, hönnuðum og ráðgjöfum. Dagana 8. og 9. mars er sýningin opin fyrir fagaðila, en seinni tvo dagana, laugardag og sunnudag, er almenningur einnig boðinn velkominn. Landsbankinn hefur verið bakhjarl ráðstefnunnar frá upphafi.

Nánari upplýsingar um Verk og vit

Ráðstefna um framtíð höfuðborgarsvæðisins 9. mars

Ráðstefnan Framtíð höfuðborgarsvæðisins – Skipulag innviðir og fjármögnun er haldin í Laugardalshöll föstudaginn 9. mars frá kl. 13.00-16.00. Markmið ráðstefnunnar er að varpa ljósi á framtíð höfuðborgarsvæðisins þegar horft er til skipulags, innviða og fjármögnunar. Farið verður yfir helstu tækifæri og áskoranir sem höfuðborgarsvæðið stendur frammi fyrir á næstu árum. Lilja Björk Einarsdóttir, bankastjóri Landsbankans, mun setja ráðstefnuna. Meðal fyrirlesara á ráðstefnunni er Ari Skúlason, hagfræðingur hjá Landsbankanum og nefnist erindi hans Róast markaðurinn án brotlendingar?

Nánari upplýsingar um ráðstefnuna

20. september 2018 15:16

Landsbankinn greiðir 9,5 milljarða króna í sérstaka arðgreiðslu

Landsbankinn greiddi í gær 9,5 milljarða króna í sérstaka arðgreiðslu. Bankinn hefur þar með greitt 24,8 milljarða króna í arð árinu 2018 og alls nema arðgreiðslur bankans um 131,7 milljörðum króna frá árinu 2013. Um 99,7% af arðgreiðslum ársins renna í ríkissjóð.


Nánar

20. september 2018 15:15

Tólf áhugaverð verkefni á sviði umhverfismála hlutu styrk

Endurhæfingarstöð fyrir slasaða ránfugla og framleiðsla á námsefni um matarsóun eru meðal þeirra tólf verkefna sem hlutu umhverfisstyrki úr Samfélagssjóði Landsbankans 19. september. Fjögur verkefni fengu 650 þúsund krónur hvert og átta verkefni 300 þúsund krónur, samtals fimm milljónir króna.


Nánar

20. september 2018 09:51

Landsbankinn fjármagnar framkvæmdir við nýja stúdentagarða Háskólans í Reykjavík

Landsbankinn og Háskólinn í Reykjavík (HR) hafa gert samning um að Landsbankinn veiti framkvæmdalán til nýrra stúdentagarða háskólans við Öskjuhlíð. Í Háskólagörðunum verða 125 íbúðir til útleigu fyrir stúdenta.


Nánar