Fréttir

09. janúar 2018 10:52

Ellefu skólar fengu styrk úr sjóðnum Forritarar framtíðarinnar

Ellefu skólar hafa fengið styrk úr sjóðnum Forritarar framtíðarinnar vegna ársins 2017. Styrkirnir eru í formi tölvubúnaðar og fjárstyrks til að þjálfa kennara í forritunarkennslu, samtals að andvirði um 6,5 milljónir króna.

Alls bárust sjóðnum 32 umsóknir að þessu sinni og komu flestar frá grunnskólum. Skólarnir sem hlutu styrk voru:

  • Álfhólsskóli
  • Bíldudalsskóli
  • Grunnskólinn á Borgarfirði eystra
  • Grunnskólinn í Hveragerði
  • Grunnskólinn í Þorlákshöfn
  • Höfðaskóli
  • Kársnesskóli
  • Kópavogsskóli
  • Varmahlíðarskóli
  • Vatnsendaskóli
  • Víkurskóli

Aukinn áhugi á forritunarkennslu

„Það blandast engum hugur um mikilvægi tækni- og forritunarþekkingar í samfélagi nútímans. Við hjá sjóðnum erum afar stolt af því að geta stutt við skóla landsins í þessum efnum og þar með eflt þá í að leggja þann grunn sem þarf til að byggja á til framtíðar. Við finnum það að starfið skiptir skólana máli og fyrir auknum áhuga á forritunarkennslu í skólunum. Þjóðir sem best standa hvað tækni varðar búa við ákveðið forskot. Forritun eða innsýn í forritun er nokkuð sem nýtist ungmennum til framtíðar, ekki ósvipað og fólk býr að því að hafa fengið kennslu í erlendum tungumálum, landafræði og öðrum námsgreinum,“ segir Sigfríður Sigurðardóttir, formaður stjórnar Forritara framtíðarinnar.

Landsbankinn er einn af hollvinum Forritara framtíðarinnar. Styrkur bankans felst annars vegar í árlegu peningaframlagi og hins vegar hefur bankinn gefið tölvur og tölvuskjái. Friðrik Guðjón Guðnason forstöðumaður hjá Landsbankanum situr í stjórn sjóðsins.

Hollvinir Forritara framtíðarinnar eru Advania, CCP, Cyan, Icelandair, Íslandsbanki, KOM, Landsbankinn, Marel, Reiknistofa bankanna og Össur.

Nánar um Forritara framtíðarinnar

 

22. október 2018 09:04

Vikubyrjun 22. október 2018

Nokkur aukning hefur orðið á stöðu innlendra aðila á gjaldeyrisreikninum innanlands í ár. Til að mynda hafa innistæður aukist um 58 ma. kr. á fyrstu átta mánuðum ársins eftir að búið er að leiðrétta fyrir gengisbreytingum. Til að setja þessar tölu í samhengi var heildarafgangur af viðskiptajöfnuði við útlönd á seinasta ári 87 ma. kr.


Nánar

19. október 2018 13:53

Umræðan: Hvort er hagstæðara að taka verðtryggt eða óverðtryggt lán?

Flest þeirra sem taka fasteignalán eða eru að hugsa um að endurfjármagna eldri lán velta því fyrir sér hvort hagstæðara sé að taka verðtryggt eða óverðtryggt lán. Um þetta álitamál er fjallað í nýjum pistli á Umræðunni.


Nánar

18. október 2018 14:30

Bríet, Huginn og Kælan Mikla á Iceland Airwaves-vef Landsbankans

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Að þessu sinni stendur bankinn að útgáfunni í samvinnu við Hugin, Bríeti og hljómsveitina Kæluna miklu.


Nánar