Fréttir

08. nóvember 2017 10:25

Skerðing á þjónustu í netbönkum og útibúum 18.-20. nóvember

Polska wersja

Vegna innleiðingar á nýju tölvukerfi þurfti að skerða þjónustu í netbönkum og útibúum helgina 18.-19. nóvember og fram eftir degi mánudaginn 20. nóvember.

Mikilvæg endurnýjun á gömlum kerfum

Endurnýjun á innlána- og greiðslukerfum Reiknistofu bankanna (RB) og Landsbankans er eitt stærsta hugbúnaðarverkefni sem RB og bankinn hafa ráðist í. Nýja kerfið leysir af hólmi mörg eldri tölvukerfi en hið elsta þeirra er um 40 ára gamalt. Í stað eldri kerfa verður tekið í notkun nýtt kerfi frá hugbúnaðarfyrirtækinu Sopra Banking Software. Nýja kerfið einfaldar og uppfærir tækniumhverfi bankans og er ódýrara í rekstri og sveigjanlegra en eldri kerfi. Með Sopra-kerfinu aukast einnig möguleikar á samnýtingu hugbúnaðarlausna í fjármálakerfinu.

Vegna innleiðingarinnar þurfti bankinn að skerða þjónustu í netbanka einstaklinga, netbanka fyrirtækja og útibúum helgina 18.-19. nóvember og mánudaginn 20. nóvember. Landsbankinn biðst velvirðingar á óþægindum sem þjónustuskerðingin olli en hún var nauðsynleg til að innleiðing nýja tölvukerfisins gengi sem best fyrir sig.

Í tengslum við innleiðingu á nýju kerfi verða nokkrar breytingar á þjónustu við fyrirtæki auk þess sem vaxtatímabil veltureikninga breytist.

Upplýsingar um breytingar á þjónustu við fyrirtæki

Þjónustuver opið til kl. 21.00

Aðstoð og nánari upplýsingar er hægt að fá með því að hringja í Þjónustuver Landsbankans, s. 410 4000, eða senda tölvupóst í netfangið info@landsbankinn.is.

Þjónustuverið verður opið frá kl. 9.00 - 21.00 mánudaginn 20. nóvember og þriðjudaginn 21. nóvember.

Fréttin var uppfærð mánudaginn 20. nóvember.

18. júní 2019 14:54

Umræðan: Fleiri góð ráð um kortanotkun í útlöndum

Greiðslukortasérfræðingur hjá Landsbankanum mælir með því að fólk greiði með snertilausum hætti, annað hvort með Apple Pay, kortaappinu eða með því að nota snertilausa virkni greiðslukorta. Þannig minnki hætta á að óviðkomandi sjái PIN-númerið.


Nánar

11. júní 2019 13:36

Umræðan: Viðskiptavinir Landsbankans tóku Apple Pay fagnandi

Apple Pay fór fyrst í loftið í Bandaríkjunum í október 2014. Fyrir um einum mánuði, í byrjun maí 2019, þegar Landsbankinn og Arion banki buðu viðskiptavinum sínum að nota lausnina, varð Ísland 38. Apple Pay-landið. En hvað er Apple Pay og af hverju var lausnin svo lengi að ná Íslandsströndum?


Nánar

18. júní 2019 09:25

Vikubyrjun 18. júní 2019

Sé litið á tölur úr verðsjá Þjóðskrár Íslands um þróun fasteignaverðs í stærri bæjum (sveitarfélögum) á milli 1. ársfjórðungs 2018 og 2019 má sjá að verð hækkaði mun minna á höfuðborgarsvæðinu en í stærri bæjum utan höfuðborgarsvæðisins á því tímabili.


Nánar