Fréttir

06. nóvember 2017 13:33

Takk fyrir komuna á off-venue tónleika Landsbankans og Iceland Airwaves

Fjölmargir lögðu leið sína á off-venue tónleika Landsbankans á Iceland Airwaves hátíðinni í ár. Hátíðin hefur frá upphafi verið mikilvæg viðbót við íslenskt menningarlíf og ómetanlegur vettvangur fyrir íslenska tónlist.

Landsbankinn stóð fyrir tvennum tónleikum  í Stúdentakjallaranum í samstarfi við Félagsstofnun stúdenta þar sem fram komu rappararnir Birnir og Floni, hljómsveitin GDRN og Dj B-ruff and friends. Undanfarin ár hafa fjölmennir tónleikar verið haldnir í útibúinu í Austurstræti og í ár stigu þar á svið hljómsveitirnar Between Mountains og GDRN, ásamt röppurunum Joey Christ og Birni. Sá síðastnefndi kom einnig fram á tónleikum í útibúi Landsbankans á Akureyri en þetta er í fyrsta sinn sem boðið er upp á off- venue tónleika þar.

Landsbankinn þakkar öllum kærlega fyrir komuna en bankinn hefur verið einn af aðalbakhjörlum hátíðarinnar frá árinu 2014.

Iceland Airwaves vefsvæði Landsbankans

Umræðan: Gullöld íslenska rappsins er núna



Myndir á Facebook frá off venue tónleikum Landsbankans

21. nóvember 2017 17:47

Debetkort Landsbankans virka ekki í gjaldeyrishraðbönkum í Leifsstöð

Vegna bilunar er ekki hægt að nota debetkort Landsbankans til að taka út gjaldeyri í gjaldeyrishraðbönkum í Flugstöð Leifs Eiríkssonar á Keflavíkurflugvelli. Hægt er að taka út gjaldeyri með kreditkortum Landsbankans. Við biðjumst velvirðingar á óþægindum sem þetta veldur. Unnið er að viðgerð.


Nánar

22. nóvember 2017 08:28

Ný þjóðhagsspá: Ekki sér fyrir endann á uppsveiflunni

Í nýrri þjóðhagsspá Hagfræðideildar Landsbankans er gert ráð yfir að hagvöxtur verði áfram kröftugur allt spátímabilið 2017-2020 þótt útlit sé fyrir að hagkerfið sé nú nálægt toppi hagsveiflunnar. Samkvæmt spánni verður hagvöxtur að meðaltali 4% fram til ársins 2020 og verðbólga að meðaltali um 2,7%.
Nánar

21. nóvember 2017 15:01

Landsbankinn gefur út skuldabréf fyrir 300 milljón evrur

Landsbankinn lauk 21. nóvember sölu á nýjum 5,5 ára skuldabréfaflokki að fjárhæð 300 milljónir evra með lokagjalddaga í maí 2023 og bera skuldabréfin fasta 1,00% vexti. Skuldabréfin voru seld á kjörum sem jafngilda 85 punkta álagi á miðgildi vaxtatilboða í vaxtaskiptasamningum á markaði.


Nánar