Fréttir

20. október 2017 16:37

Sjö arkitektateymi valin til að skila frumtillögum

Bankaráð Landsbankans hefur valið sjö arkitektateymi til að skila inn frumtillögum að hönnun nýbyggingar fyrir Landsbankann við Austurhöfn í Reykjavík.

Nýbyggingin verður um 16.500 m² að stærð og mun bankinn nýta um 10.000 m² í nýju húsi, eða um 60% af flatarmáli hússins, undir eigin starfsemi en selja eða leigja frá sér um 6.500 m².

Í byrjun september sl. var auglýst eftir arkitektum til að hanna nýbygginguna. Alls lýstu 26 arkitektateymi yfir áhuga á að taka þátt í hönnun hússins og voru mjög margir afar áhugaverðir aðilar þar á meðal.

Upphaflega stóð til að velja 3-5 arkitektateymi til þátttöku en bankaráð ákvað að bæta við tveimur teymum til að tryggja fjölbreytni og gefa breiðari hópi tækifæri til að koma með frumtillögur að hönnun hússins. Teymin sem urðu fyrir valinu eru:

  • Arkþing og C.F. Møller
  • BIG og Arkiteó í samstarfi við BIG Engineering, VSÓ ráðgjöf, Dagný Land Design og Andra Snæ Magnason
  • Henning Larsen og Batteríið arkitektar
  • Kanon arkitektar ehf. og Teiknistofan Tröð ehf.
  • MVRDV og Basalt arkitektar
  • PKdM arkitektar
  • Teymið - A2F arkitektar, Gríma arkitektar, Kreatíva teiknistofa, Landmótun og Trivium

Óskað er eftir að teymin skili inn tillögum sínum fyrir 11. janúar 2018. Reikna má með að val á vinningstillögu verði tilkynnt í lok febrúar 2018.

Tengt efni

Bankaráð ákveður að byggja á lóð Landsbankans við Austurhöfn

Húsnæðismál Landsbankans

22. mars 2019 11:16

Umræðan: Nýjar lausnir Landsbankans auðvelda viðskiptavinum lífið

Fjármál hafa í síauknum mæli verið að færast yfir í snjallsíma fólks. Líklega geta fáir sagst hafa séð fyrir hversu hratt þetta myndi gerast. En hvað veldur þróuninni og hvers vegna er hún svona hröð? Um þetta er fjallað í nýrri grein á Umræðunni.


Nánar

22. mars 2019 10:55

Hagsjá: Miklar hreyfingar milli daga á gjaldmiðlum eru sjaldgæfar, en ekki óþekktar

Alþjóðagreiðslubankinn í Basel í Sviss tekur saman gengisvísitölur fyrir alla helstu gjaldmiðla heims. Ef við skoðum breytingar á gengisvísitölunni milli daga meðal Vestur-Evrópuríkja2 allt aftur til ársins 2010 sést að einungs 9 sinnum hefur breytingin milli daga verið meiri en 3%.


Nánar

21. mars 2019 10:40

Hagsjá: Bretland enn stærsti markaðurinn fyrir íslenskar sjávarafurðir

Bretland hefur lengi verið stærsti kaupandinn að íslenskum sjávarafurðum. Önnur lönd eru þó farin að narta í hælana á Bretlandi og ekki ólíklegt að Bretland missi fyrsta sætið á næstu árum.


Nánar