Fréttir

12. október 2017 14:35

Landsbankinn lækkar óverðtryggða vexti

Í kjölfar ákvörðunar peningastefnunefndar Seðlabanka Íslands þann 4. október síðastliðinn hefur Landsbankinn ákveðið að lækka vexti óverðtryggðra innlána um 0,10-0,25 prósentustig og breytilega vexti óverðtryggðra útlána um 0,25 prósentustig.

Einnig breytast vextir innlánsreikninga í erlendri mynt.

Nánari upplýsingar um breytingarnar er að finna í vaxtatöflu Landsbankans

 

20. september 2018 15:16

Landsbankinn greiðir 9,5 milljarða króna í sérstaka arðgreiðslu

Landsbankinn greiddi í gær 9,5 milljarða króna í sérstaka arðgreiðslu. Bankinn hefur þar með greitt 24,8 milljarða króna í arð árinu 2018 og alls nema arðgreiðslur bankans um 131,7 milljörðum króna frá árinu 2013. Um 99,7% af arðgreiðslum ársins renna í ríkissjóð.


Nánar

20. september 2018 15:15

Tólf áhugaverð verkefni á sviði umhverfismála hlutu styrk

Endurhæfingarstöð fyrir slasaða ránfugla og framleiðsla á námsefni um matarsóun eru meðal þeirra tólf verkefna sem hlutu umhverfisstyrki úr Samfélagssjóði Landsbankans 19. september. Fjögur verkefni fengu 650 þúsund krónur hvert og átta verkefni 300 þúsund krónur, samtals fimm milljónir króna.


Nánar

20. september 2018 09:51

Landsbankinn fjármagnar framkvæmdir við nýja stúdentagarða Háskólans í Reykjavík

Landsbankinn og Háskólinn í Reykjavík (HR) hafa gert samning um að Landsbankinn veiti framkvæmdalán til nýrra stúdentagarða háskólans við Öskjuhlíð. Í Háskólagörðunum verða 125 íbúðir til útleigu fyrir stúdenta.


Nánar