Fréttir

26. september 2017 08:30

Vöxtur í leit að jafnvægi: Ítarleg greining Landsbankans á íslenskri ferðaþjónustu

Landsbankinn hefur gefið út ítarlega efnahagslega greiningu á ferðaþjónustu á Íslandi. Greiningin og fjöldi viðtala við fólk sem kemur að ferðaþjónustu með einum eða öðrum hætti er aðgengileg í Tímariti Landsbankans sem gefið er út á Umræðunni, efnis- og fréttaveitu bankans.

Tímaritið er gefið út í tengslum við ferðaþjónusturáðstefnu Landsbankans 26. september 2017. Upptökur frá ráðstefnunni, útdrætti úr erindum og glærukynningar er hægt að sjá á Umræðunni.

Tímarit Landsbankans um ferðaþjónustu á Umræðunni

Í greiningu Hagfræðideildar á ferðaþjónustunni kemur m.a. fram:

  • Margt bendir til þess að um það bil jafnmargir ferðamenn gisti i Airbnb-íbúðum og gista á hótelum á höfuðborgarsvæðinu. Þessar tölur taka ekki til annarar gistingar á höfuðborgarsvæðinu, s.s. gistingar í gistiheimilum og farfuglaheimilum.
  • Frá febrúar til október 2017 voru Icelandair og WOW air samanlagt með rúmlega 80% markaðshlutdeild í Evrópuflugi og um 90% markaðshlutdeild í Bandaríkjaflugi þegar litið er til sætaframboðs.
  • Færa má rök fyrir því að flugfélögin tvö séu kerfislega mikilvæg fyrir íslenskan efnahag og möguleg áföll í rekstri þessara fyrirtækja gætu haft keðjuverkandi áhrif.
  • Árið 2015 nam útflutningur ferðaþjónustu um 31% af heildarútflutningi frá Íslandi. Hagfræðideild Landsbankans telur að hlutfallið verði komið upp í um 43% á árinu 2017.
  • Ísland er mun háðara ferðaþjónustu en önnur lönd þar sem lífskjör eru sambærileg.
  • Aðeins eitt land í heiminum, Tadjikistan, reiðir sig í jafnmiklum mæli á tekjur af farþegaflutningum.
  • Greining Hagfræðideildar á 39 ríkjum sýnir að Ísland er eina landið þar sem ferðamönnum hefur fjölgað á sama tíma og gengi gjaldmiðilsins hefur styrkst.
  • Milli 40-50% af heildarhagvexti á Íslandi frá árinu 2010 má skýra beint og óbeint með vexti í ferðaþjónustu. Ef útflutningsverðmæti ferðaþjónustu hefði ekkert aukist frá 2010 hefði mælst halli á vöru- og þjónustuviðskiptum undanfarin tvö ár, að öðru óbreyttu.
  • Gögn frá Google sýna að í þeim tólf löndum sem eru mikilvægustu markaðir íslenskrar ferðaþjónustu er nú töluvert sjaldnar flett upp orðinu „Reykjavik“ en áður. Þetta gefur til kynna að áhuginn á Íslandi kunni að vera að minnka. Hagfræðideild Landsbankans telur þó að líkurnar á fækkun ferðamanna á næsta ári séu fremur litlar.
  • Hagfræðideild Landsbankans gerir ráð fyrir að fjölgun ferðamanna á árinu 2018 verði nálægt sögulegum vexti eða um 8%. Árið 2019 er gert ráð fyrir að vöxturinn verði undir sögulegum meðalvexti eða 5%. Ef spáin rætist munu 2,5 milljónir ferðamanna koma hingað árið 2019, u.þ.b. 117.000 fleiri en árið 2018.

Tímarit um ferðaþjónustu á Umræðunni – viðtöl og myndbönd:

Tímarit Landsbankans um ferðaþjónustu á Umræðunni

14. janúar 2020 13:31

Kostnaður við flutning á séreignarsparnaði felldur niður

Landsbankinn og Íslenski lífeyrissjóðurinn hafa ákveðið að fella niður kostnað við flutning á séreignarsparnaði til annarra vörsluaðila. Íslenski lífeyrissjóðurinn verður þar með fyrstur stóru séreignarsjóðanna til að fella þennan kostnað niður.


Nánar

13. janúar 2020 10:28

Sýning á Kjarvalsmyndum Landsbankans í Austurstræti 11

Opnuð hefur verið sýning á 24 verkum eftir Jóhannes S. Kjarval sem eru í eigu Landsbankans. Sýningin er haldin í útibúi bankans við Austurstræti 11 og er opin á afgreiðslutíma útibúsins.


Nánar

10. janúar 2020 13:00

Breytingar á þjónustu í Austurstræti

Fjármálaráðgjöf verður færð úr útibúi Landsbankans við Austurstræti yfir í Vesturbæjarútbú við Hagatorg. Áfram verður hægt að fá gjaldkeraþjónustu í Austurstræti og leysa úr ýmsum erindum, t.d. virkjun rafrænna skilríkja og stofnun netbanka. Þá verður þar hægt að fá aðstoð og kennslu við að nýta stafrænar lausnir bankans.


Nánar