Fréttir

15. september 2017 13:49

Breytingar á skilmálum innlánsreikninga

Nýir almennir skilmálar innlánsreikninga taka gildi 13. nóvember 2017. Almennu skilmálarnir gilda um alla innlánsreikninga hjá Landsbankanum og fjalla um réttindi og skyldur bankans og eigenda innlánsreikninga. Við þessar breytingar falla eldri skilmálar veltureikninga, greiðslureikninga og sparireikninga úr gildi.

Breytingunum er fyrst og fremst ætlað að samræma skilmála og gera þá skýrari, s.s. skilmála um útreikning vaxta, um hvenær vextir eru lagðir við höfuðstól við vaxtaútreikning, um stöðu ófjárráða sparifjáreigenda o.fl. Breytingarnar hafa lítil sem engin áhrif á hag sparifjáreigenda og í langflestum tilvikum verða viðskiptavinir jafn vel eða betur settir eftir að breytingarnar hafa tekið gildi.

Gjöld vegna innlánsreikninga verða áfram samkvæmt verðskrá bankans en frá og með 13. nóvember verða þau gjaldfærð mánaðarlega en ekki við útskrift yfirlita eins og verið hefur. Breytingin leiðir ekki til aukinna útgjalda fyrir viðskiptavini.

Sérstakir skilmálar gilda um einstaka innlánsreikninga og gilda sérákvæðin umfram almennu skilmálana. Breytingar á sérskilmálum eftirtaldra reikninga taka gildi frá og með 13. nóvember 2017, eins og fram kemur hér að neðan:

Fastvaxtareikningur

  • Breyting á ákvæðum um hvenær vextir eru lagðir við höfuðstól við vaxtaútreikning og ákvæðum um úttekt af reikningum fyrir lok binditíma.

Framtíðargrunnur

  • Vextir verða einnig bundnir og fjármagnstekjuskattur ekki reiknaður út fyrr en reikningur losnar við 18 ára aldur reikningseiganda.

Vaxtareikningur 30

  • Vextir verða bundnir, eins og aðrar innborganir.

Heiti reikninga í erlendri mynt munu einnig breytast 13. nóvember 2017.

Myntveltureikningur

  • Heiti reikningsins breytist í Veltureikningur í erlendri mynt.

Gjaldeyrisreikningur

  • Heiti reikningsins breytist í Sparireikningur í erlendri mynt.

 

19. júní 2018 12:35

Útibú Landsbankans loka á föstudag kl. 14.00

Útibúum Landsbankans og Þjónustuveri verður lokað kl. 14.00 í dag, föstudag, vegna leiks Íslands gegn Nígeríu á HM í Rússlandi. Netbankinn og Landsbankaappið eru að sjálfsögðu opin allan sólarhringinn.


Nánar

19. júní 2018 08:47

Breytingar á verðskrá vegna gjaldeyrisviðskipta

Breytingar hafa verið gerðar á verðskrá Landsbankans vegna gjaldeyrisviðskipta sem flestar taka gildi í dag, 19. júní, en aðrar taka gildi 20. ágúst nk. Viðskiptavinir Landsbankans munu fljótlega eiga kost á að framkvæma sjálfir erlendar greiðslur í netbanka einstaklinga sem verður ódýrara en millifærsla í útibúum og breytingarnar eru flestar gerðar þess vegna.


Nánar

11. júní 2018 16:14

Landsbankinn gefur út nýja almenna viðskiptaskilmála

Landsbankinn hefur gefið út nýja almenna viðskiptaskilmála. Skilmálarnir uppfæra, skýra og sameina fimm helstu skilmála bankans um grunnþætti fjármálaþjónustu, þ.e. skilmála um innlánsreikninga, debetkort, netbanka einstaklinga, netbanka fyrirtækja auk almennra skilmála. Nýju skilmálarnir auðvelda jafnframt stafræn samskipti viðskiptavina við bankann.


Nánar