Fréttir

12. september 2017 09:33

Landsbankinn tekur þátt í Íslensku sjávarútvegssýningunni 2017

Landsbankinn tekur þátt í Íslensku sjávarútvegssýningunni 2017 sem verður í Smáranum og Fífunni í Kópavogi 13.-15. september. Bankinn kostar m.a. sjávarútvegsverðlaunin „Framúrskarandi íslensk fiskvinnsla“.

Sjávarútvegur hefur alla tíð skipað sérstakan sess hjá Landsbankanum og er samofinn sögu hans frá upphafi. Greininni hefur mjög vaxið fiskur um hrygg og um leið hefur þar orðið mikil endurnýjun og nýsköpun. Landsbankinn hefur á að skipa öflugum hópi sérhæfðs starfsfólks í þjónustu við sjávarútveg og fiskeldi og hefur tekið virkan þátt í þessari uppbyggingu.

Landsbankinn er með bás á sýningunni til að kynna þjónustu bankans við fyrirtæki í greininni. Staðsetningin er H10. Allir sýningargestir eru boðnir velkomnir.

Íslenska sjávarútvegssýningin 2017 er opin frá kl. 10.00-18.00, miðvikudaginn 13. september til og með föstudagsins 15. september nk.

Vefur Íslensku sjávarútvegssýningarinnar

 

06. ágúst 2020 11:35

Hagsjá: Minni hækkanir íbúðaverðs um land allt á öðrum ársfjórðungi

Íbúðaverð hækkaði minna á öðrum ársfjórðungi en þeim fyrsta, en þó allt að 10% milli ára, mest á Akranesi. Talsvert virðist streyma inn af nýju húsnæði.


Nánar

04. ágúst 2020 09:15

Vikubyrjun 4. ágúst 2020

Hagstofan birti á dögunum bráðabirgðatölur um flutninga fólks til og frá landinu á öðrum ársfjórðungi og er greinilegt að útbreiðsla Covid-19-faraldursins hefur þar haft áhrif. Mun færri íslenskir ríkisborgarar fluttu af landi brott og að sama skapi fluttu mun færri erlendir ríkisborgarar til landsins en oft áður á þessum tíma árs.


Nánar

30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

Skráðu þig á póstlista