Fréttir

04. september 2017 15:03

Fjöldi tilboða og sérafslættir á 10 ára afmæli Aukakróna

Tíu ár eru frá því að Aukakrónur, fríðindakerfi Landsbankans, var kynnt til sögunnar og er afmælinu fagnað með því að bjóða korthöfum fjölda afmælistilboða og alls kyns sérafslætti hjá samstarfsaðilum Aukakróna vikuna 4.-10. september.

Aukakrónum hefur vaxið fiskur um hrygg undanfarin 10 ár og er nú annað stærsta fríðindakerfi landsins. Nýleg mæling Gallup leiddi í ljós að af öllum fríðindakerfum landsins er mest ánægja með Aukakrónur.

Viðskiptavinir Landsbankans safna Aukakrónum með því að nota kreditkort sem er tengt við fríðindakerfið og jafngildir ein Aukakróna einni íslenskri krónu. Á undanförnum 10 árum hafa viðskiptavinir safnað 1,3 milljörðum Aukakróna sem notaðar hafa verið til að kaupa alls kyns vörur og þjónustu hjá samstarfsaðilum. Alls safna nú 53.000 manns Aukakrónum í hvert sinn sem þeir nota kreditkort og Aukakrónukorthöfum fjölgar ört.

Nánari upplýsingar um Aukakrónur og afmælistilboðin


02. júní 2020 11:17

Lindaskóli varði titillin í Skólahreysti

Lindaskóli í Kópavogi sigraði Skólahreysti 2020 og vann þar með keppnina annað árið í röð. Úrslitakeppnin fór fram í Laugardalshöll laugardaginn 30. maí og var æsispennandi allt til enda.


Nánar

02. júní 2020 10:37

Vikubyrjun 2. júní 2020

Efnahagsleg áhrif Covid-19 hafa komið mishart niður á viðskiptalöndum Íslands. Sum lönd upplifðu töluverðan samdrátt á meðan lítilsháttar aukning mældist í öðrum. Þannig var 5,4% samdráttur í Frakklandi á fyrsta ársfjórðungi miðað við sama tímabil í fyrra. Í Þýskalandi var 2,3% samdráttur og 1,6% samdráttur í Bretlandi. Í Bandaríkjunum var hins vegar 0,3% hagvöxtur og einnig var lítilsháttar hagvöxtur í Svíþjóð og Noregi á fyrsta fjórðungi ársins.


Nánar

29. maí 2020 13:57

Hagsjá: Sterkur vinnumarkaður síðustu ára á miklu undanhaldi

Samkvæmt niðurstöðum vinnumarkaðsrannsóknar Hagstofunnar fækkaði starfandi fólki um 22.300 milli aprílmánaða 2019 og 2020. Hlutfall starfandi var 70,5% nú í apríl og hafði lækkað um 8,8 prósentustig frá apríl 2019. Hagstofan birtir tölur úr vinnumarkaðsrannsókn sinni aftur til ársins 2003. Bæði atvinnuþátttaka og hlutfall starfandi hefur ekki verið lægra en nú á öllu því tímabili.


Nánar

Skráðu þig á póstlista