Fréttir

31. ágúst 2017 13:38

Landsbankinn hættir umsýslu með erlendar ávísanir

Landsbankinn mun hætta að selja erlendar ávísanir frá og með 1. október nk. og hætta að kaupa erlendar ávísanir frá næstu áramótum. Ástæðan er einkum sú að notkun erlendra ávísana, jafnt ferðatékka og viðskiptatékka, hefur dregist mjög saman á undanförnum árum. Auk þess eru ávísanir ekki jafn örugg greiðslumiðlunarleið og aðrar kostir sem í boði eru.

Aðrir möguleikar til að taka við erlendum greiðslum eða inna þær af hendi eru m.a. SWIFT-greiðslur. SWIFT-greiðslur eru skjótvirkari og öruggari lausn en notkun á ávísunum og í flestum tilfellum hagstæðari fyrir viðskiptavini. Í langflestum tilfellum mælir bankinn með að viðskiptavinir noti SWIFT til að framkvæma erlendar greiðslur.

Starfsfólk Þjónustuvers Landsbankans veitir nánari upplýsingar í síma 410-4000.

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar