Fréttir

22. ágúst 2017 08:57

Fjölmenni í Landsbankanum á Menningarnótt

Það var líf og fjör í Landsbankanum á Menningarnótt á laugardaginn og mikið fjölmenni fylgdist með fjölbreyttri dagskrá og naut veitinga í bankanum. Menningarnótt var haldin í 22. sinn en Landsbankinn hefur verið máttarstólpi hátíðarinnar frá upphafi og boðið upp á menningardagskrá í útibúinu í Austurstræti.

Aðalsteinn Ingólfsson listfræðingur kynnti myndlist í bankanum samkvæmt venju með sérstaka áherslu á vegglistaverk Jóhannesar Kjarval, Jóns Stefánssonar og Nínu Tryggvadóttur. Listaverkagangan hefur verið á dagskrá bankans á Menningarnótt um árabil.

Samfélagsmiðlahópurinn Áttan hóf dagskrána á sviði sem komið var fyrir í útibúinu en hópurinn flutti öll sín vinsælustu lög við mikinn fögnuð áhorfenda. Lalli töframaður var næstur og skemmti börnum jafnt sem fullorðnum með skemmtilegum og frumlegum töfrabrögðum. Síðast steig á svið einn vinsælasti tónlistarmaður landsins, Friðrik Dór og flutti alla sína helstu smelli við góðar undirtektir gesta í bankanum.

Myndir frá Menningarnótt í Landsbankanum

06. ágúst 2020 11:35

Hagsjá: Minni hækkanir íbúðaverðs um land allt á öðrum ársfjórðungi

Íbúðaverð hækkaði minna á öðrum ársfjórðungi en þeim fyrsta, en þó allt að 10% milli ára, mest á Akranesi. Talsvert virðist streyma inn af nýju húsnæði.


Nánar

04. ágúst 2020 09:15

Vikubyrjun 4. ágúst 2020

Hagstofan birti á dögunum bráðabirgðatölur um flutninga fólks til og frá landinu á öðrum ársfjórðungi og er greinilegt að útbreiðsla Covid-19-faraldursins hefur þar haft áhrif. Mun færri íslenskir ríkisborgarar fluttu af landi brott og að sama skapi fluttu mun færri erlendir ríkisborgarar til landsins en oft áður á þessum tíma árs.


Nánar

30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

Skráðu þig á póstlista