Fréttir

01. ágúst 2017 12:45

Úthlutun úr Gleðigöngupotti Hinsegin daga og Landsbankans

Samstarfssamningur Hinsegin daga og og Landsbankans var endurnýjaður 21. júní síðastliðinn. Landsbankinn hefur um árabil verið bakhjarl Hinsegin daga en í nýja samningnum er í fyrsta sinn kveðið á um að bankinn og Hinsegin dagar standi saman að Gleðigöngupotti.

Opið var fyrir umsóknir um styrki úr pottinum dagana 29. júní til 16. júlí og hefur dómnefnd, skipuð af stjórn Hinsegin daga, verið að störfum frá þeim degi.

Niðurstöður dómnefndar liggja nú fyrir og eru styrkveitingar ársins sem hér segir:

  • Dragsúgur – Celebrate Drag-versity: 250.000 kr.
  • Hinsegin kórinn: 250.000 kr.
  • Hinsegin félag Menntaskólans á Egilsstöðum: 200.000 kr.
  • Samtökin ’78: 200.000 kr.
  • Roller Derby Iceland / Hjólaskautafélagið: 170.000 kr.
  • Trans Ísland: 150.000 kr.
  • BDSM á Íslandi: 100.000 kr.

Dómnefndina skipuðu Eva María Þórarinsdóttir Lange – formaður Hinsegin daga, Gunnlaugur Bragi Björnsson – gjaldkeri Hinsegin daga, Setta María f.h. göngustjórnar Gleðigöngu Hinsegin daga, Daníel Arnarson – framkvæmdastjóri Samtakanna ’78 og Margrét Erla Maack – fjölmiðla- og fjöllistakona.

Markmiðið með pottinum er að styðja einstaklinga og smærri hópa við undirbúning og framkvæmd atriða í Gleðigöngu Hinsegin daga og þannig auðvelda þátttöku í Hinsegin dögum. Landsbankinn leggur 1,5 milljón króna í pottinn auk annars stuðnings við hátíðina.

Stjórn Hinsegin daga ber ábyrgð á umsóknarferlinu og skipar dómnefnd sem fer yfir umsóknir og úthlutar styrkjum úr Gleðigöngupottinum. Dómnefndin getur einnig tekið frá upphæð að hámarki 200.000 krónur og notað fjárhæðina til að veita hvatningarverðlaun í lok Hinsegin daga. Verðlaunin eru veitt einstaklingi eða hópi, sem ekki hlaut styrk úr pottinum, en með eftirtektarverðum hætti vakti athygli á boðskap atriðis síns í gleðigöngunni.

Gleðiganga Hinsegin daga fer fram laugardaginn 12. ágúst.

Nánari upplýsingar um Gleðigöngupottinn

12. september 2019 10:24

Ferðaþjónusturáðstefna Landsbankans haldin 26. september

Landsbankinn stendur fyrir opinni ráðstefnu um stöðu og framtíðarhorfur ferðaþjónustu á Íslandi fimmtudaginn 26. september 2019 í Silfurbergi Hörpu.


Nánar

05. september 2019 16:33

Landsbankinn + Iceland Airwaves kynna: Una Schram

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Að þessu sinni mun bankinn birta eitt myndband í einu og fyrsti tónlistarmaðurinn í ár var Krassasig. Nú er komið að myndbandi númer tvö í röðinni og er það með söngkonunni Unu Schram.


Nánar

13. september 2019 09:51

Hagsjá: Spáum 3,0% verðbólgu í september

Hagstofan birtir septembermælingu vísitölu neysluverðs (VNV) föstudaginn 27. september nk. Hagfræðideild Landsbankans spáir 0,1% hækkun vísitölunnar milli mánaða. Gangi spáin eftir lækkar verðbólgan úr 3,2% í 3,0%.


Nánar