Fréttir

13. júní 2017 13:02

Landsbankinn styrkir fimmtán framúrskarandi námsmenn

Námsstyrkir 2017
Á myndinni eru 11 styrkþegar og tveir fulltrúar styrkþega ásamt Lilju Björk Einarsdóttur, bankastjóra Landsbankans, og Runólfi Smára Steinþórssyni, prófessor við Háskóla Íslands sem var formaður dómnefndar.

Fimmtán námsmenn fengu úthlutað námsstyrkjum úr Samfélagssjóði Landsbankans mánudaginn 12. júní sl. Heildarupphæð námsstyrkjanna nemur sex milljónum króna. Alls bárust rúmlega 500 umsóknir. Styrkirnir voru nú veittir í tuttugasta og áttunda sinn.

Veittir eru styrkir í fimm flokkum: til framhaldsskólanema, iðn- og verknema, háskólanema, til háskólanema í framhaldsnámi og til listnema.

Dómnefndin leitaðist við að velja metnaðarfulla, framúrskarandi námsmenn með framtíðarsýn sem nefndin taldi líklega til að auðga íslenskt samfélag í framtíðinni. Einnig var litið til annarra atriða við valið, svo sem rannsókna og greinaskrifa, sjálfboðastarfa, afreka í íþróttum og þátttöku í félagsstarfi, svo nokkuð sé nefnt.

Styrkþegar námsstyrkja Landsbankans 2017

Styrkir til framhaldsskólanáms – 200.000 kr. hver

  • Bjarni Ármann Atlason – Verzlunarskóli Íslands
  • Elvar Wang Atlason – Menntaskólinn í Reykjavík
  • Ragnheiður Ingunn Jóhannsdóttir – Menntaskólinn í Reykjavík

Styrkir til iðn- og verknáms – 400.000 kr. hver

  • Anna Guðlaug Sigurðardóttir – gull- og silfursmíði við Tækniskólann í Reykjavík
  • Bjarki Jóhannsson – flugnám hjá Keili
  • Kara Guðmundsdóttir – matvælanám við Menntaskólann í Kópavogi

Styrkir til háskólanáms – 400.000 kr. hver

  • Númi Sveinsson – vélaverkfræði við Háskóla Íslands
  • Sindri Ingólfsson – hugbúnaðarverkfræði við Háskólann í Reykjavík
  • Stefanía Katrín Finnsdóttir – læknisfræði við Háskóla Íslands

Styrkir til háskólanáms á framhaldsstigi – 500.000 kr. hver

  • Karítas Hrundar Pálsdóttir – meistaranám í ritlist og íslenskri bókmenntafræði við Háskóla Íslands
  • Kristján Eldjárn Hjörleifsson – doktorsnám í tölvunarfræði við California Institute of Technology
  • Sigurgeir Ólafsson – doktorsnám í erfðavísindum við Wellcome Trust Sanger Institute í Cambridge

Styrkir til listnáms – 500.000 kr. hver

  • Erna Vala Arnardóttir – meistaranám í píanóleik við Sibelius Academy í Finnlandi
  • Sölvi Kolbeinsson – B.A. nám við Jazz-Institut Berlin
  • Una Björg Magnúsdóttir – meistaranám í myndlist við École Cantonale D’Art de Lausanne í Sviss

Í dómnefnd sátu: Runólfur Smári Steinþórsson, prófessor við Háskóla Íslands, Jakobína H. Árnadóttir, mannauðsráðgjafi hjá Capacent, Guðrún Norðfjörð, viðskiptastjóri hjá Íslensku auglýsingastofunni, Baldur G. Jónsson, mannauðsstjóri Landsbankans og Halla Jónsdóttir, fræðslustjóri Landsbankans.

Sjá fleiri myndir

06. febrúar 2020 16:17

Uppgjör Landsbankans fyrir árið 2019

Hagnaður Landsbankans á árinu 2019 nam 18,2 milljörðum króna, eftir skatta. Arðsemi eiginfjár Landsbankans var 7,5% á árinu 2019, samanborið við 8,2% arðsemi árið 2018. Arðsemi eiginfjár án bankaskatts var 9,2% en markmið bankans er að ná að lágmarki 10% arðsemi eiginfjár, að teknu tilliti til áhrifa bankaskatts.


Nánar

20. febrúar 2020 08:57

Lánasjóður sveitarfélaga gefur út græn skuldabréf

Lánasjóður sveitarfélaga lauk þann 19. febrúar 2020 lokuðu útboði á nýjum grænum skuldabréfum í flokknum LSS040440 GB. Markaðsviðskipti Landsbankans höfðu umsjón með sölu skuldabréfanna.


Nánar

19. febrúar 2020 10:25

Niðurstöður endurkaupatilboðs

Landsbankinn hf. tilkynnti í dag um niðurstöður endurkaupatilboðs sem tilkynnt var þann 11. febrúar 2020 til eigenda skuldabréfa í flokki EUR 500.000.000 1,625% á gjalddaga árið 2021 (ISIN: XS1490640288) þar sem bankinn bauðst til að kaupa skuldabréfin til baka gegn greiðslu reiðufjár. Endurkaupatilboðið byggði á skilmálum endurkaupatilboðs (e. tender offer memorandum) dagsett 11. febrúar 2020.
Nánar