Fréttir

13. júní 2017 15:30

Landsbankinn gefur út skuldabréf í sænskum krónum

Landsbankinn lauk í dag við skuldabréfaútgáfu í sænskum krónum. Samtals voru gefin út skuldabréf fyrir 1 milljarð sænskra króna (SEK), til þriggja ára. Annars vegar voru gefnar út 700 milljónir SEK á breytilegum vöxtum sem bera 1% vaxtaálag ofan á millibankavexti í sænskum krónum og hins vegar 300 milljónir SEK á 0,75% föstum vöxtum.

Talsverð umframeftirspurn var eftir bréfunum sem seld voru til yfir 20 norrænna fjárfesta. Umsjónaraðilar útgáfunnar voru Danske Bank og SEB. Bréfin eru gefin út undir EMTN- skuldabréfaútgáfuramma Landsbankans og verða þau skráð í Kauphöllinni á Írlandi.

14. janúar 2020 13:31

Kostnaður við flutning á séreignarsparnaði felldur niður

Landsbankinn og Íslenski lífeyrissjóðurinn hafa ákveðið að fella niður kostnað við flutning á séreignarsparnaði til annarra vörsluaðila. Íslenski lífeyrissjóðurinn verður þar með fyrstur stóru séreignarsjóðanna til að fella þennan kostnað niður.


Nánar

13. janúar 2020 10:28

Sýning á Kjarvalsmyndum Landsbankans í Austurstræti 11

Opnuð hefur verið sýning á 24 verkum eftir Jóhannes S. Kjarval sem eru í eigu Landsbankans. Sýningin er haldin í útibúi bankans við Austurstræti 11 og er opin á afgreiðslutíma útibúsins.


Nánar

10. janúar 2020 13:00

Breytingar á þjónustu í Austurstræti

Fjármálaráðgjöf verður færð úr útibúi Landsbankans við Austurstræti yfir í Vesturbæjarútbú við Hagatorg. Áfram verður hægt að fá gjaldkeraþjónustu í Austurstræti og leysa úr ýmsum erindum, t.d. virkjun rafrænna skilríkja og stofnun netbanka. Þá verður þar hægt að fá aðstoð og kennslu við að nýta stafrænar lausnir bankans.


Nánar