Fréttir

02. maí 2017 09:04

Landsbankinn fær endurvottun samkvæmt alþjóðlegum staðli fyrir upplýsingaöryggi

Landsbankinn hefur fengið endurvottun til næstu þriggja ára samkvæmt ISO 27001:2013 sem er staðall fyrir upplýsingaöryggi og meðferð trúnaðarupplýsinga. Í vottuninni felst viðurkenning á öryggi verkferla bankans og staðfesting á faglegum vinnubrögðum starfsmanna við meðferð upplýsinga um viðskiptavini.

Vottun bankans samkvæmt ISO 27001 nær aftur til ársins 2007 og hefur bankinn því verið vottaður skv. staðlinum í áratug. Landsbankinn var eitt af fyrstu fyrirtækjum á Íslandi sem hlaut ISO 27001 vottun og fram til ársins 2016 var Landsbankinn eini íslenski bankinn með þessa vottun.

Algengast er að fyrirtæki fái ISO 27001 vottun á takmarkaðan hluta starfsemi sinnar en í tilfelli Landsbankans er öll starfsemi bankans vottuð samkvæmt staðlinum. Vottunin tekur m.a. til meðferðar trúnaðarupplýsinga, reksturs upplýsingakerfa, öryggisvitundar starfsmanna, umgengni um skjalageymslur og aðgengis að starfsstöðvum bankans.

„Landsbankinn leggur mikla áherslu á heilindi og traust í samskiptum við viðskiptavini sína og faglega umgengni starfsmanna um upplýsingar um viðskiptavini og innri málefni bankans. ISO 27001 vottunin er liður í að tryggja að viðskiptavinir geti treyst því að Landsbankinn byggi á ströngustu alþjóðlegu viðmiðum á sviði upplýsingaöryggis og meðferð trúnaðarupplýsinga,“ segir Ragnhildur Geirsdóttir, framkvæmdastjóri Reksturs og upplýsingatækni Landsbankans.

Alþjóðlega vottunarfyrirtækið British Standard Institution (BSI) tók út starfsemi Landsbankans en úttektir eru gerðar einu sinni til tvisvar á ári.

14. janúar 2020 13:31

Kostnaður við flutning á séreignarsparnaði felldur niður

Landsbankinn og Íslenski lífeyrissjóðurinn hafa ákveðið að fella niður kostnað við flutning á séreignarsparnaði til annarra vörsluaðila. Íslenski lífeyrissjóðurinn verður þar með fyrstur stóru séreignarsjóðanna til að fella þennan kostnað niður.


Nánar

13. janúar 2020 10:28

Sýning á Kjarvalsmyndum Landsbankans í Austurstræti 11

Opnuð hefur verið sýning á 24 verkum eftir Jóhannes S. Kjarval sem eru í eigu Landsbankans. Sýningin er haldin í útibúi bankans við Austurstræti 11 og er opin á afgreiðslutíma útibúsins.


Nánar

10. janúar 2020 13:00

Breytingar á þjónustu í Austurstræti

Fjármálaráðgjöf verður færð úr útibúi Landsbankans við Austurstræti yfir í Vesturbæjarútbú við Hagatorg. Áfram verður hægt að fá gjaldkeraþjónustu í Austurstræti og leysa úr ýmsum erindum, t.d. virkjun rafrænna skilríkja og stofnun netbanka. Þá verður þar hægt að fá aðstoð og kennslu við að nýta stafrænar lausnir bankans.


Nánar