Fréttir

22. mars 2017 13:33

Samfélagsskýrsla Landsbankans 2016 komin út

Samfélagsskýrsla Landsbankans fyrir árið 2016 er nú aðgengileg á vef bankans. Þetta er í fyrsta sinn sem samfélagsskýrslan er gefin út í vefútgáfu.

Landsbankinn gefur árlega út samfélagsskýrslu þar sem viðmiðum Global Reporting Initiative (GRI) er fylgt. Í skýrslunni er með aðgengilegum hætti fjallað um samfélagsstefnu bankans, samfélagsvísa í rekstri bankans og reynt er að veita innsýn í það sem vel er gert, það sem betur má fara og álitamál sem komið hafa upp við innleiðingu samfélagsábyrgðar.

Landsbankinn tekur samfélagsábyrgð alvarlega og vill starfa í sátt við samfélagið. Á árinu 2016 var m.a.  markvisst unnið að innleiðingu stefnu um ábyrgar fjárfestingar, aukinn kraftur var settur í útgáfumál, bankinn hlaut gullmerki Jafnlaunaúttektar PwC í annað sinn og efnt var til fjölbreyttra samstarfsverkefna til þess að stuðla að framþróun og uppbyggingu í samfélaginu.

Samfélagsstefna bankans miðar að því að stuðla að sjálfbærni og tryggja að tekið sé tillit til umhverfisþátta, félagslegra þátta og viðmiða um góða stjórnarhætti í allri starfsemi bankans.

Samfélagsskýrsla Landsbankans 2016

06. ágúst 2020 11:35

Hagsjá: Minni hækkanir íbúðaverðs um land allt á öðrum ársfjórðungi

Íbúðaverð hækkaði minna á öðrum ársfjórðungi en þeim fyrsta, en þó allt að 10% milli ára, mest á Akranesi. Talsvert virðist streyma inn af nýju húsnæði.


Nánar

04. ágúst 2020 09:15

Vikubyrjun 4. ágúst 2020

Hagstofan birti á dögunum bráðabirgðatölur um flutninga fólks til og frá landinu á öðrum ársfjórðungi og er greinilegt að útbreiðsla Covid-19-faraldursins hefur þar haft áhrif. Mun færri íslenskir ríkisborgarar fluttu af landi brott og að sama skapi fluttu mun færri erlendir ríkisborgarar til landsins en oft áður á þessum tíma árs.


Nánar

30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

Skráðu þig á póstlista