Fréttir

27. janúar 2017 21:25

Umræðan besta efnis- og fréttaveitan og farsímabankinn, l.is, besta vefappið



Umræðan, nýr umræðuvefur Landsbankans, er besta efnis- og fréttaveitan og farsímabanki Landsbankans, l.is, besta vefappið að mati dómnefndar Íslensku vefverðlaunanna fyrir árið 2016. Veitt voru verðlaun í ellefu flokkum og hlaut Landsbankinn alls átta tilnefningar.

Netbanki einstaklinga fékk einnig viðurkenningu fyrir aðgengi, s.s. fyrir blinda og sjóndapra. Þá hlaut forritun Sprota-appsins viðurkenningu en forritun appsins var í höndum Aranja.

Umræðan er besta efnis- og fréttaveitan

Umræðan, nýr og glæsilegur umræðuvefur Landsbankans, opnaði í nóvember 2016. Á umræðunni birtast áhugaverðar greinar um fjölbreytt efni og lögð er áhersla á aðgengilega og myndræna framsetningu. Á Umræðunni fjallað um fjármál og efnahagsmál og málefni sem tengjast breytingum í samfélaginu með einum eða öðrum hætti. Umræðan er samvinnuverkefni Landsbankans og auglýsingastofunnar Jónsson og Le‘macks.

Elínborg V. Kvaran, markaðsstjóri Landsbankans: „Með Umræðunni gefst Landsbankanum tækifæri til að taka þátt í umfjöllun um samfélagsbreytingar og málefni líðandi stundar með áhugaverðum greinum um samfélags- og efnahagsmál. Undirbúningur að útgáfunni hafði staðið yfir í þónokkurn tíma. Við erum að sjálfsögðu afar ánægð með viðurkenninguna og þær viðtökur sem Umræðan hefur fengið.“

Umræðan

L.is er besta vefappið

Farsímabanki Landsbankans, l.is, var valinn besta vefappið. Aðgerðum sem hægt er að framkvæma í farsímabankanum l.is hefur verið fjölgað til mikilla muna á undanförnum árum, virknin einfölduð og útlitinu breytt. Notendum l.is hefur á sama tíma fjölgað mjög hratt.

Snæbjörn Konráðsson, forstöðumaður vefdeildar Landsbankans: „Við erum afar þakklát fyrir þessa viðurkenningu fyrir vinnu síðustu ára. Við erum auðvitað hvergi nærri hætt og markmiðið er að sem flestir þjónustuþættir sem eru aðgengilegir í netbanka einstaklinga verði einnig aðgengilegir í farsímabankanum.“

Farsímabankinn - l.is

Verðlaunin voru veitt á Íslensku vefverðlaununum, uppskeruhátíð vefiðnaðarins, sem var haldin föstudaginn 27. janúar.

Landsbankinn hlýtur átta tilnefningar til Íslensku vefverðlaunanna

26. nóvember 2020 15:10

Hagsjá: Afgangur af þjónustuviðskiptum en halli á vöruviðskiptum

Útflutningur vöru og þjónustu nam 244,5 mö.kr. á þriðja ársfjórðungi borið saman við um 374,7 ma.kr. á sama tímabili í fyrra. Hann dróst því saman um 130,2 ma.kr., eða rúman þriðjung milli ára. Innflutningur vöru og þjónustu nam 258,1 mö.kr. á þriðja fjórðungi borið saman við 314,3 ma.kr. á sama tímabili í fyrra. Hann dróst því saman um 56,3 ma.kr., eða 17,9%. Halli á vöru- og þjónustuviðskiptum nam því 13,6 mö.kr. en á sama tíma í fyrra var afgangur upp á 60,4 ma.kr.


Nánar

25. nóvember 2020 16:30

Landsbankinn lækkar vexti

Landsbankinn lækkar vexti til einstaklinga og fyrirtækja og mun ný vaxtatafla taka gildi 1. desember nk. Breytilegir vextir á óverðtryggðum íbúðalánum lækka um 0,20 prósentustig. Kjörvextir óverðtryggðra útlána til fyrirtækja lækka um 0,20 prósentustig.


Nánar

24. nóvember 2020 12:31

Hagsjá: Airbnb markaðurinn mun líkast til halda áfram að smækka

Hlutfall íbúða í Airbnb með enga nýtingu er mun hærra en á síðustu árum.


Nánar

Skráðu þig á póstlista