Fréttir

13. janúar 2017 10:25

Landsbankinn styður ábyrga ferðaþjónustu

Forseti Íslands, Guðni Th. Jóhannesson og Hreiðar Bjarnason, framkvæmdastjóri Fjármála og staðgengill bankastjóra Landsbankans.
Forseti Íslands, Guðni Th. Jóhannesson og Hreiðar Bjarnason, framkvæmdastjóri Fjármála og staðgengill bankastjóra Landsbankans.

Yfirlýsing um ábyrga ferðaþjónustu var staðfest af forsvarsfólki yfir 250 fyrirtækja í Háskólanum í Reykjavík þann 10. janúar að viðstöddum forseta Íslands, Guðna Th. Jóhannessyni, sem er verndari verkefnisins. Það eru Festa – miðstöð um samfélagsábyrgð og Íslenski ferðaklasinn sem standa að verkefninu í samstarfi við Ferðamálastofu, SAF, Íslandsstofu, Stjórnstöð ferðamála, markaðsstofur landshlutanna, Höfuðborgarstofu og Safetravel. Landsbankinn er einn af bakhjörlum verkefnisins ásamt sex öðrum fyrirtækjum.

Ábyrg ferðaþjónusta er hvatningarverkefni um að fyrirtæki tengd ferðaþjónustu sammælist um skýrar og einfaldar aðgerðir um ábyrga ferðaþjónustu. Tilgangurinn er að stuðla að því að Ísland verði ákjósanlegur áfangastaður ferðamanna um ókomna tíð.

Forseti Íslands sagðist í ávarpi sínu fagna því að svo margir hafi komið saman til að lýsa yfir stuðningi við ábyrga ferðaþjónustu í landinu. Það væri honum heiður og ánægja að gerast verndari verkefnisins.

Hreiðar Bjarnason, staðgengill bankastjóra Landsbankans, segir:  „Landsbankinn er stoltur af því að vera bakhjarl þessa mikilvæga verkefnis. Það er ánægjulegt að sjá hvað mörg fyrirtæki skrifuðu undir yfirlýsinguna. Umsvif ferðaþjónustunnar hafa aukist hratt á undanförnum árum og mikilvægt að fyrirtæki sýni ábyrgð og gott fordæmi í starfsháttum. Landsbankinn er öflugur samstarfsaðili í fjármögnun tengdri ferðaþjónustu og verkefnið samræmist stefnu Landsbankans um samfélagsábyrgð sem miðar að því að stuðla að sjálfbærni og vera hreyfiafl í samfélaginu.“

Áhersluþættir hvatningarverkefnisins eru:

  1. Ganga vel um og virða náttúruna.
  2. Tryggja öryggi gesta okkar og koma fram við þá af háttvísi.
  3. Virða réttindi starfsfólks.
  4. Hafa jákvæð áhrif á nærsamfélagið.

Markmið verkefnisins eru m.a. að:

  • Styðja við ferðaþjónustufyrirtæki sem vilja vinna markvisst að sjálfbærni og samfélagsábyrgð.
  • Setja fram skýr skilaboð frá fyrirtækjum um að þau vilji vera ábyrg.
  • Draga fram það sem vel er gert á sviði sjálfbærni og samfélagsábyrgðar í ferðaþjónustu.
  • Vera hvatning fyrir fyrirtæki sem ekki eru byrjuð að huga að sjálfbærni og samfélagsábyrgð.

Yfirlýsingunni verður fylgt eftir með fræðsludagskrá fyrir fyrirtæki um samfélagsábyrgð og sjálfbærni. Nánari upplýsingar og skráningarform er að finna á vef Festu.

Bakhjarlar verkefnisins auk Landsbankans eru: Bláa lónið, Eimskip, Gray Line Iceland, Icelandair Group, Isavia og Íslandshótel.

 

14. janúar 2020 13:31

Kostnaður við flutning á séreignarsparnaði felldur niður

Landsbankinn og Íslenski lífeyrissjóðurinn hafa ákveðið að fella niður kostnað við flutning á séreignarsparnaði til annarra vörsluaðila. Íslenski lífeyrissjóðurinn verður þar með fyrstur stóru séreignarsjóðanna til að fella þennan kostnað niður.


Nánar

13. janúar 2020 10:28

Sýning á Kjarvalsmyndum Landsbankans í Austurstræti 11

Opnuð hefur verið sýning á 24 verkum eftir Jóhannes S. Kjarval sem eru í eigu Landsbankans. Sýningin er haldin í útibúi bankans við Austurstræti 11 og er opin á afgreiðslutíma útibúsins.


Nánar

10. janúar 2020 13:00

Breytingar á þjónustu í Austurstræti

Fjármálaráðgjöf verður færð úr útibúi Landsbankans við Austurstræti yfir í Vesturbæjarútbú við Hagatorg. Áfram verður hægt að fá gjaldkeraþjónustu í Austurstræti og leysa úr ýmsum erindum, t.d. virkjun rafrænna skilríkja og stofnun netbanka. Þá verður þar hægt að fá aðstoð og kennslu við að nýta stafrænar lausnir bankans.


Nánar