Fréttir

11. nóvember 2016 14:15

Fundur um nýja þjóðhagsspá Landsbankans

Landsbankinn boðar til fundar í tilefni útgáfu Þjóðhags, ársrits Hagfræðideildar Landsbankans. Fundurinn  verður haldinn í Silfurbergi Hörpu miðvikudaginn 23. nóvember kl. 8.30-10.00. Boðið verður upp á morgunverð frá kl. 8.00. Allir eru velkomnir.

Skráning

Á fundinum verður ný þjóðhags- og verðbólguspá Hagfræðideildar Landsbankans til næstu þriggja ára kynnt. Einnig verður fjallað um hvað staða efnahagsmála í dag getur þýtt fyrir þróun verðbréfamarkaðarins á næstu misserum. Fundinum lýkur með pallborðsumræðum.

Í Þjóðhag, ársriti Hagfræðideildar Landsbankans er m.a. að finna þjóðhagsspá deildarinnar fyrir árin 2016 - 2019, spá um verðbólgu og vaxtastig, umfjöllun um húsnæðismarkaðinn, horfur í helstu útflutningsgreinum og fleira. Þjóðhagur er eitt ítarlegasta rit um íslensk efnahagsmál sem gefið er út.

Dagskrá fundar

  • Steinþór Pálsson, bankastjóri Landsbankans, ávarpar fundinn.
  • Daníel Svavarsson, forstöðumaður Hagfræðideildar Landsbankans, kynnir þjóðhags- og verðbólguspá bankans
  • Halldór Kristinsson, deildarstjóri Eignastýringar Landsbankans, fjallar um stöðu og horfur á skuldabréfamarkaði.
  • Ólafur Jóhannsson, forstöðumaður hlutabréfasjóða hjá Landsbréfum, fjallar um horfur á innlendum hlutabréfamarkaði árið 2017.

Pallborðsumræður

  • Jón Björnsson, forstjóri Festi.
  • Ólafur Sigurðsson, framkvæmdastjóri lífeyrissjóðsins Stafa.
  • Svanhildur Nanna Vigfúsdóttir, fjárfestir.

Fundarstjóri: Sveinn Þórarinsson, sérfræðingur hjá Hagfræðideild Landsbankans.

Skráning

13. ágúst 2019 16:00

Fríir boltar á Básadegi Landsbankans

Laugardaginn 17. ágúst býður Landsbankinn fría bolta frá kl. 10.00-15.00 í Básum, golfæfingasvæði í Grafarholti. Einnig verða boltakort í Básum seld með 50% afslætti.


Nánar

12. ágúst 2019 09:46

Umræðan: Góðar viðtökur við fyrstu A2A-greiðslulausninni

Fyrr í sumar opnaði Landsbankinn fyrir aðgang að svokallaðri A2A-greiðslulausn, fyrstur íslenskra banka. Síðan þá hafa rúmlega 50 aðilar nýtt sér prófunarumhverfi fyrir lausnina og verið er að vinna úr fyrstu umsóknunum fyrir aðgang að raunumhverfi.


Nánar

15. ágúst 2019 08:46

Hagsjá: Spáum 3,1% verðbólgu í ágúst

Hagstofan birtir ágústmælingu vísitölu neysluverðs (VNV) fimmtudaginn 29. ágúst. Hagfræðideild Landsbankans spáir 0,2% hækkun vísitölunnar milli mánaða. Gangi spáin eftir helst verðbólgan óbreytt í 3,1% milli mánaða.


Nánar