Fréttir

06. október 2016 14:23

Lántökugjald af íbúðalánum er nú föst upphæð, óháð lánsfjárhæð

Landsbankinn hefur gert breytingu á innheimtu lántökugjalds af íbúðalánum til einstaklinga. Breytingin mun í langflestum tilfellum leiða til þess að lántakendur greiða mun lægra lántökugjald en áður. Í stað þess að lántökugjald nemi tilteknu hlutfalli af lánsfjárhæð innheimtir Landsbankinn nú fasta upphæð eða 52.500 krónur við hverja lántöku.

Lántökugjald og kostnaður af 20 milljón króna íbúðaláni til einstaklinga var áður 155.000 krónur, svo dæmi sé tekið. Eftir breytinguna innheimtir Landsbankinn 52.500 krónur í lántökugjald, óháð lánsfjárhæð. Lántökugjald er, sem fyrr, fellt niður hjá þeim sem eru að kaupa sína fyrstu fasteign.

Margir sem taka íbúðalán hjá Landsbankanum taka einnig viðbótarlán. Bankinn lánar allt að 70% kaupverðs til allt að 40 ára og veitir 15% viðbótarlán til allt að 15 ára. Í slíkum tilfellum er lántökugjald innheimt eins og um eitt lán væri að ræða, þ.e. 52.500 krónur, miðað við verðskrá bankans 6. október 2016.

Tilgangurinn með þessum breytingum er að bæta kjör þeirra sem taka íbúðalán hjá Landsbankanum.

Nánar um íbúðalán Landsbankans

15. janúar 2019 12:54

Umræðan: Ungt fólk og íbúðamarkaðurinn

Landsbankinn í samstarfi við Útvarp 101 fékk Pétur Kiernan, 22 ára háskólanema, til að kynna sér íbúðamál ungs fólks, kosti þess að leigja og kaupa, húsnæðissparnað og viðbótarlífeyrissparnað, sem er ein hagstæðasta leiðin til að spara fyrir útborgun í fyrstu fasteign.


Nánar

18. janúar 2019 09:00

Hagsjá: Minnsta hækkun fasteignaverðs milli ára síðan 2011

Fasteignaverð á höfuðborgarsvæðinu hækkaði einungis um 6,2% milli 2017 og 2018. Það er minnsta hækkun sem við höfum séð frá árinu 2011 og mikil breyting frá árinu áður þegar fasteignaverð hækkaði um 18,9%.


Nánar

17. janúar 2019 11:10

Hagsjá: Ferðamönnum frá 11 löndum fækkaði á síðasta ári

Þrátt fyrir að erlendum ferðamönnum hafi í heild sinni fjölgað á síðasta ári fækkaði ferðamönnum frá 11 þeirra 17 landa sem talin eru sérstaklega í Leifsstöð. Leita þarf aftur til ársins 2010 til að finna jafnmikla fækkun eftir löndum.


Nánar