Fréttir

26. september 2016 09:53

Morgunfundur um ábyrgar fjárfestingar

Landsbankinn býður til morgunfundar um innleiðingu og aðferðafræði ábyrgra fjárfestinga hér á landi og erlendis fimmtudaginn 29. september nk.

Ábyrgar fjárfestingar fela m.a. í sér að við mat á fjárfestingarkostum sé fjallað um fjárhagslegan ávinning en jafnframt tekið tillit til stefnu viðkomandi fyrirtækis í umhverfismálum, jafnréttismálum, stjórnarháttum og fleiri félagslegum þáttum.

Á fundinum verður m.a. fjallað um nýja stefnu Nasdaq OMX-kauphallarinnar á Íslandi í málaflokknum, kröfur alþjóðasamfélagsins og reynslu Icelandair af ábyrgum fjárfestingum. Þá mun Gil Friend, einn af fremstu sérfræðingum heims í innleiðingu samfélagsábyrgðar í rekstri fyrirtækja og sjálfbærnistjóri Palo Alto borgar í Kaliforníu, flytja erindi. Hann mun m.a. ræða um hvernig breytingar á umhverfinu valda áhættu í rekstri fyrirtækja og hvernig hægt er að bregðast við þeim. Friend ræðir praktískar lausnir og deilir reynslusögum með fundargestum.

Nánar um Gil Friend

Dagskrá

  • Opnunarávarp
    Hrefna Ösp Sigfinnsdóttir, framkvæmdastjóri Markaða Landsbankans
  • Samfélagslega ábyrgur markaður
    Páll Harðarson, forstjóri Kauphallarinnar
  • Heildin > summa liðanna
    Halldór Benjamín Þorbergsson, framkvæmdastjóri viðskiptaþróunar Icelandair Group
  • Risk, Fiduciary Duty and the Laws of Nature
    Gil Friend, stofnandi og stjórnarformaður Natural Logic Inc.
  • Fundarstjóri
    Hrönn Hrafnsdóttir, sérfræðingur í samfélagsábyrgð hjá Reykjavíkurborg

Fundurinn verður haldinn á Icelandair Hotels Reykjavík Natura, Nauthólsvegi 52, fimmtudaginn 29. september og hefst kl. 8:30. Boðið verður upp á morgunhressingu frá kl. 8.00. Fundurinn stendur til kl. 10:15.

Skráning fer fram á vef Landsbankans. Allir eru velkomnir.

Skráning á morgunfundinn

17. október 2019 13:51

Umræðan: Sæmdarkúgun – óþægilegar en innihaldslausar hótanir

Ein tegund fjárkúgunar er svonefnd sæmdarkúgun (e. sextortion) þar sem vegið er að sæmd og friðhelgi viðkomandi í þeim tilgangi að beita kúgun. Fjallað er um sæmdarkúgun í nýrri grein á Umræðunni. Október er í Evrópu helgaður baráttu fyrir auknu netöryggi og Landsbankinn tekur þátt í átakinu.


Nánar

15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

21. október 2019 09:53

Sigurður Kári Tryggvason til Landsbankans

Sigurður Kári Tryggvason, lögmaður, hefur verið ráðinn til starfa hjá Fyrirtækjaráðgjöf Landsbankans. Sigurður Kári var áður lögfræðingur hjá Almenna lífeyrissjóðnum frá árinu 2016. Hann starfaði sem fulltrúi hjá LEX lögmannsstofu árin 2011-2015, var í starfsnámi hjá EFTA dómstólnum á árinu 2013 og sat í stjórn Landsbréfa 2011-2012.


Nánar