Fréttir

23. september 2016 16:09

Lindarhvoll ehf. hyggst selja allt að 13,93% eignarhlut í Sjóvá-Almennum tryggingum hf.

Lindarhvoll ehf., fyrir hönd SAT eignarhaldsfélags hf., sem er í eigu ríkissjóðs Íslands, býður til sölu allan eignarhlut ríkissjóðs í Sjóvá-Almennum tryggingum hf. Um er að ræða áður útgefna hluti í Sjóvá og nemur eignarhluturinn 13,93% alls hlutafjár í Sjóvá.

Markaðsviðskipti Landsbankans hf. hafa umsjón með sölu hlutanna samkvæmt samningi við Lindarhvol ehf. Salan mun fara fram í útboði sem er undanþegið útgáfu lýsingar í samræmi við heimild í c-lið, 1. töluliðar, 1. málsgreinar 50. greinar laga nr. 108/2007 um verðbréfaviðskipti.

Tilboðum skal skila á stöðluðu tilboðsformi sem fjárfestar geta nálgast hér að neðan. Fjárfestar geta skilað inn fleiri en einu tilboði. Lágmark hvers tilboðs er 1.250.000 hlutir í Sjóvá, en hver hlutur í Sjóvá er 1 kr. að nafnverði. Lágmarksgengi í útboðinu eru 12,85 krónur á hlut.

Útboðið verður með hollensku fyrirkomulagi sem felur í sér að öll samþykkt tilboð bjóðast tilboðsgjöfum á sama gengi, þar sem lægsta samþykkta gengi ræður sölugenginu.

Tilboðsfrestur rennur út klukkan 08.30 mánudaginn 26. september 2016. Tilkynnt verður um niðurstöðu útboðsins á vefsíðu Landsbankans, www.landsbankinn.is, að útboði loknu og eigi síðar en klukkan 09:30 mánudaginn 26. september 2016.

Útboðsskilmálar

Tilboðsform

12. september 2019 10:24

Ferðaþjónusturáðstefna Landsbankans haldin 26. september

Landsbankinn stendur fyrir opinni ráðstefnu um stöðu og framtíðarhorfur ferðaþjónustu á Íslandi fimmtudaginn 26. september 2019 í Silfurbergi Hörpu.


Nánar

05. september 2019 16:33

Landsbankinn + Iceland Airwaves kynna: Una Schram

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Að þessu sinni mun bankinn birta eitt myndband í einu og fyrsti tónlistarmaðurinn í ár var Krassasig. Nú er komið að myndbandi númer tvö í röðinni og er það með söngkonunni Unu Schram.


Nánar

16. september 2019 08:32

Vikubyrjun 16. september 2019

Í síðustu viku lækkaði Evrópski seðlabankinn meginvexti bankans um 0,1 prósentustig og verða þeir eftir breytinguna -0,5%. Auk þess tilkynnti bankinn um ýmsar aðgerðir sem hann hyggst grípa til með það að markmiði að örva hagkerfi evrusvæðisins, en bankinn lækkaði spá sína um bæði verðbólgu og hagvöxtu til næstu ára.


Nánar