Fréttir

07. september 2016 13:08

Landsbankinn er bakhjarl Kvenna í orkumálum

Ólafur M. Magnússon, forstöðumaður á fyrirtækjasviði Landsbankans, Árni Þ. Þorbjörnsson, framkvæmdastjóri fyrirtækjasviðs, Harpa Þórunn Pétursdóttir, formaður Kvenna í orkumálum og Auður Nanna Baldvinsdóttir sem situr í stjórn Kvenna í orkumálum.

Landsbankinn verður bakhjarl félagsins Konur í orkumálum, samkvæmt samningi sem undirritaður var í gær, 6. september. Samningurinn er til tveggja ára.

Félagið Konur í orkumálum var stofnað snemma á þessu ári. Félagsmenn eru nú um 200 talsins og er félagið opið öllum sem starfa við orkumál eða hafa áhuga á orkumálum á Íslandi. Starfsemi félagsins felst aðallega í að halda ýmis konar viðburði, með það að markmiði að fræða og miðla upplýsingum um orkumál og jafnframt stuðla að betri tengslum milli kvenna sem starfa í orkugeiranum.

„Við erum ákaflega þakklátar fyrir stuðninginn frá Landsbankanum. Félagið byggir að mestu leyti á sjálfsboðastarfi en við þurfum einnig fjármagn til að ljúka tilteknum verkefnum, svo sem að gera úttekt á stöðu kvenna í orkugeiranum,“ segir Harpa Þórunn Pétursdóttir, formaður Kvenna í orkumálum.

„Við í Landsbankanum eru ánægð og stolt af því að geta stutt við bakið á félaginu. Félagið er mikilvægur vettvangur fyrir konur sem starfa innan orkugeirans og fyrir umræðu um strauma og stefnur í orkumálum á Íslandi,“ segir Árni Þór Þorbjörnsson, framkvæmdastjóri Fyrirtækjasviðs Landsbankans.

Konur í orkumálum á Facebook

22. mars 2019 11:16

Umræðan: Nýjar lausnir Landsbankans auðvelda viðskiptavinum lífið

Fjármál hafa í síauknum mæli verið að færast yfir í snjallsíma fólks. Líklega geta fáir sagst hafa séð fyrir hversu hratt þetta myndi gerast. En hvað veldur þróuninni og hvers vegna er hún svona hröð? Um þetta er fjallað í nýrri grein á Umræðunni.


Nánar

22. mars 2019 10:55

Hagsjá: Miklar hreyfingar milli daga á gjaldmiðlum eru sjaldgæfar, en ekki óþekktar

Alþjóðagreiðslubankinn í Basel í Sviss tekur saman gengisvísitölur fyrir alla helstu gjaldmiðla heims. Ef við skoðum breytingar á gengisvísitölunni milli daga meðal Vestur-Evrópuríkja2 allt aftur til ársins 2010 sést að einungs 9 sinnum hefur breytingin milli daga verið meiri en 3%.


Nánar

21. mars 2019 10:40

Hagsjá: Bretland enn stærsti markaðurinn fyrir íslenskar sjávarafurðir

Bretland hefur lengi verið stærsti kaupandinn að íslenskum sjávarafurðum. Önnur lönd eru þó farin að narta í hælana á Bretlandi og ekki ólíklegt að Bretland missi fyrsta sætið á næstu árum.


Nánar