Fréttir

06. september 2016 14:02

Nýtt öryggiskerfi og nýtt útlit í netbanka fyrirtækja

Netbanki fyrirtækja með nýju öryggiskerfi og nýju útliti verður tekinn í notkun fimmtudaginn 8. september.

Öryggiskerfi frá netöryggisfyrirtækinu RSA hefur tekið við hlutverki Todos auðkennislyklanna og SMS varaleiðar í netbankanum. Þeir sem ekki hafa þegar sótt og virkjað RSA auðkennislykil eru eindregið hvattir til að gera það sem fyrst. Leiðakerfi og útlit netbankans hefur verið fært í nýjan búning en allar aðgerðir og yfirlit eru enn á sínum stað.

Aukið öryggi

Nýja öryggiskerfið sameinar áhættugreiningu og notkun auðkennislykla með það fyrir augum að hámarka öryggi og koma í veg fyrir fjársvik.

Áhættugreining felst í því að öryggiskerfið lærir að þekkja hegðun og aðstæður hvers viðskiptavinar og fylgist með frávikum frá venjunni. Ef brugðið er út af hefðbundinni notkun biður kerfið um staðfestingu á auðkenni, t.d. með öryggisspurningu eða með sjálfvirku símtali. Að öllu jöfnu finnur viðskiptavinurinn þó ekki fyrir kerfinu.

Á næstu dögum munum við biðja viðskiptavini í netbanka fyrirtækja um að skrá eitt eða fleiri símanúmer og netfang sem öryggiskerfið nýtir til að staðfesta auðkenni. Óskað verður eftir því við innskráningu í netbankann.

Þrátt fyrir þessa viðbót verður áfram stuðst við auðkennislykla í netbanka fyrirtækja. Framkalla þarf auðkennisnúmer við innskráningu og framkvæmd ákveðinna aðgerða.

Landsbankinn býður tvær leiðir til að framkalla auðkennisnúmer: Með appi annars vegar og auðkennislykli úr plasti hins vegar. Nota má appið og auðkennislykilinn jöfnum höndum, allt eftir því hvað hentar betur hverju sinni.

Fyrirhugaðar breytingar á öryggiskerfinu voru fyrst kynntar á innskráningarsíðu netbankans í maí síðastliðnum.

Sæktu auðkennislykil frá RSA

Nýtt útlit

Allar aðgerðir og yfirlit eru enn til staðar en sjálft útlitið hefur verið fært í nýjan búning með breyttu letri, töflum, hnöppum og innsláttarreitum. Flæði aðgerða hefur verið einfaldað til mikilla muna og svo er nýi netbankinn spjaldtölvuvænn. Helstu breytingar á útliti og viðmóti í netbankanum:

Nýtt leiðakerfi

Fletta má í gegnum veftréð með því að smella á örvar sem eru á hægri brún hverrar vefgreinar. Þannig er hægt að finna viðeigandi síðu án þess að hlaða inn hverri síðu sem smellt er á.

Leit í veftré

Auðvelt er að finna efni í netbankanum með því að slá inn heiti þeirrar síðu eða aðgerðar sem óskað er eftir. Greinum í veftrénu fækkar í samræmi við það sem slegið er inn.

Bil í töflum

Hægt er að auka eða minnka bil í töflum netbankans. Minna bil hentar vel til að koma meira efni fyrir í einni skjáfylli meðan meira bil auðveldar aflestur.

Flýtileiðir

Auðvelt er að útbúa flýtileið með því að draga síðu úr veftré og setja í þar til gert box sem birtist efst hægra megin á vefnum. Fjarlægja má flýtileiðir með því að draga þær úr flýtileiðalistanum og setja í ruslatunnu.

17. október 2019 13:51

Umræðan: Sæmdarkúgun – óþægilegar en innihaldslausar hótanir

Ein tegund fjárkúgunar er svonefnd sæmdarkúgun (e. sextortion) þar sem vegið er að sæmd og friðhelgi viðkomandi í þeim tilgangi að beita kúgun. Fjallað er um sæmdarkúgun í nýrri grein á Umræðunni. Október er í Evrópu helgaður baráttu fyrir auknu netöryggi og Landsbankinn tekur þátt í átakinu.


Nánar

15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

21. október 2019 09:53

Sigurður Kári Tryggvason til Landsbankans

Sigurður Kári Tryggvason, lögmaður, hefur verið ráðinn til starfa hjá Fyrirtækjaráðgjöf Landsbankans. Sigurður Kári var áður lögfræðingur hjá Almenna lífeyrissjóðnum frá árinu 2016. Hann starfaði sem fulltrúi hjá LEX lögmannsstofu árin 2011-2015, var í starfsnámi hjá EFTA dómstólnum á árinu 2013 og sat í stjórn Landsbréfa 2011-2012.


Nánar