Fréttir

23. ágúst 2016 10:58

Fjölmenni á Menningarnótt í Landsbankanum

Það var líf og fjör í Landsbankanum á Menningarnótt á laugardag og mikið fjölmenni fylgdist með fjölbreyttri dagskrá og naut góðra veitinga. Menningarnótt var nú haldin í 21. sinn og hefur bankinn verið máttarstólpi hátíðarinnar frá upphafi og boðið upp á menningardagskrá í útibúinu í Austurstræti.

Aðalsteinn Ingólfsson listfræðingur kynnti myndlist í bankanum samkvæmt venju með sérstaka áherslu á naglföst vegglistaverk Jóhannesar Kjarval, Jóns Stefánssonar og Nínu Tryggvadóttur. Listaverkagangan hefur verið á dagskrá bankans á Menningarnótt um árabil.

Margrét Arnardóttir harmónikkuleikari hóf dagskrána á sviði en hún flutti djass- og popptónlist í skemmtilegri útsetningu fyrir hljóðfærið. Karlakór Reykjavíkur kom því næst í heimsókn en kórinn fagnar 90 ára afmæli á árinu. Leikhópurinn Lotta bauð upp á sívinsæla söngvasyrpu sína og brot úr ævintýrasýningum sínum. Börnin fylltu salinn og kunnu vel að meta sýningu leikhópsins. Síðast steig á svið Júníus Meyvant sem flutti lög af fyrstu breiðskífu sinni en lög hans hafa gríðarlega góðar viðtökur.

Myndasafn frá Menningarnótt í Landsbankanum

Vöfflukaffi í Þingholtunum í tíu ár - frásögn gestgjafa

Menningarnæturpottur 2016 – styrkþegar

17. október 2019 13:51

Umræðan: Sæmdarkúgun – óþægilegar en innihaldslausar hótanir

Ein tegund fjárkúgunar er svonefnd sæmdarkúgun (e. sextortion) þar sem vegið er að sæmd og friðhelgi viðkomandi í þeim tilgangi að beita kúgun. Fjallað er um sæmdarkúgun í nýrri grein á Umræðunni. Október er í Evrópu helgaður baráttu fyrir auknu netöryggi og Landsbankinn tekur þátt í átakinu.


Nánar

15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

21. október 2019 09:53

Sigurður Kári Tryggvason til Landsbankans

Sigurður Kári Tryggvason, lögmaður, hefur verið ráðinn til starfa hjá Fyrirtækjaráðgjöf Landsbankans. Sigurður Kári var áður lögfræðingur hjá Almenna lífeyrissjóðnum frá árinu 2016. Hann starfaði sem fulltrúi hjá LEX lögmannsstofu árin 2011-2015, var í starfsnámi hjá EFTA dómstólnum á árinu 2013 og sat í stjórn Landsbréfa 2011-2012.


Nánar