Fréttir

23. ágúst 2016 10:58

Fjölmenni á Menningarnótt í Landsbankanum

Það var líf og fjör í Landsbankanum á Menningarnótt á laugardag og mikið fjölmenni fylgdist með fjölbreyttri dagskrá og naut góðra veitinga. Menningarnótt var nú haldin í 21. sinn og hefur bankinn verið máttarstólpi hátíðarinnar frá upphafi og boðið upp á menningardagskrá í útibúinu í Austurstræti.

Aðalsteinn Ingólfsson listfræðingur kynnti myndlist í bankanum samkvæmt venju með sérstaka áherslu á naglföst vegglistaverk Jóhannesar Kjarval, Jóns Stefánssonar og Nínu Tryggvadóttur. Listaverkagangan hefur verið á dagskrá bankans á Menningarnótt um árabil.

Margrét Arnardóttir harmónikkuleikari hóf dagskrána á sviði en hún flutti djass- og popptónlist í skemmtilegri útsetningu fyrir hljóðfærið. Karlakór Reykjavíkur kom því næst í heimsókn en kórinn fagnar 90 ára afmæli á árinu. Leikhópurinn Lotta bauð upp á sívinsæla söngvasyrpu sína og brot úr ævintýrasýningum sínum. Börnin fylltu salinn og kunnu vel að meta sýningu leikhópsins. Síðast steig á svið Júníus Meyvant sem flutti lög af fyrstu breiðskífu sinni en lög hans hafa gríðarlega góðar viðtökur.

Myndasafn frá Menningarnótt í Landsbankanum

Vöfflukaffi í Þingholtunum í tíu ár - frásögn gestgjafa

Menningarnæturpottur 2016 – styrkþegar

25. maí 2020 08:10

Vikubyrjun 25. maí 2020

Samkvæmt tölum Vinnumálastofnunar var skráð atvinnuleysi í apríl 17,8% af áætluðum fjölda fólks á vinnumarkaði. Skiptingin var þannig að almennt atvinnuleysi var 7,5% og atvinnuleysi vegna skerts starfshlutfalls 10,3%. Við búumst við að almennt atvinnuleysi nái hámarki í ágúst og september og fari þá í 13%. Gangi þessi spá eftir verða rétt undir 30 þúsund manns á atvinnuleysisbótum þessa tvo mánuði.


Nánar

25. maí 2020 08:00

Pantaðu tíma sem þér hentar

Samhliða tilslökun á samkomutakmörkunum er þjónusta í útibúum Landsbankans smám saman að færast í fyrra horf. Við hvetjum viðskiptavini engu að síður til að panta tíma til að fá afgreiðslu þegar þeim hentar. Útibú og afgreiðslur bankans eru opin samkvæmt auglýstum afgreiðslutíma.


Nánar

22. maí 2020 10:03

Hagsjá: Spáum verðbólgu rétt undir markmiði

Hagstofan birtir maímælingu vísitölu neysluverðs (VNV) fimmtudaginn 28. maí. Hagfræðideild Landsbankans spáir 0,4% hækkun milli mánaða.


Nánar

Skráðu þig á póstlista