Fréttir

19. ágúst 2016 15:54

Lindarhvoll ehf. hyggst selja allt að 6,38% eignarhlut í Reitum fasteignafélagi hf.

Lindarhvoll ehf., fyrir hönd Ríkissjóðs Íslands, býður til sölu allan eignarhlut Ríkissjóðs í Reitum fasteignafélagi hf. Um er að ræða áður útgefna hluti í Reitum og nemur eignarhluturinn 6,38% alls hlutafjár í Reitum.

Markaðsviðskipti Landsbankans hf. hafa umsjón með sölu hlutanna samkvæmt samningi við Lindarhvol ehf. Salan mun fara fram í útboði sem er undanþegið útgáfu lýsingar í samræmi við heimild í c-lið, 1. töluliðar, 1. málsgreinar 50. greinar laga nr. 108/2007 um verðbréfaviðskipti.

Tilboðum skal skila á stöðluðu tilboðsformi sem fjárfestar geta nálgast á vef Landsbankans, www.landsbankinn.is. Fjárfestar geta skilað inn fleiri en einu tilboði. Lágmark hvers tilboðs er 200.000 hlutir í Reitum, en hver hlutur í Reitum er 1 kr. að nafnverði. Lágmarksgengi í útboðinu eru 83,30 krónur á hlut.

Útboðið verður með hollensku fyrirkomulagi sem felur í sér að öll samþykkt tilboð bjóðast tilboðsgjöfum á sama gengi, þar sem lægsta samþykkta gengi ræður sölugenginu. Tilboðsfrestur rennur út klukkan 08:30 mánudaginn 22. ágúst 2016. Tilkynnt verður um niðurstöðu útboðsins á vef Landsbankans, www.landsbankinn.is, að útboði loknu og eigi síðar en klukkan 09:30 mánudaginn 22. ágúst 2016.

Ítarlegir útboðsskilmálar og tilboðsform er að finna hér að neðan.

Útboðsskilmálar

Tilboðsform

24. apríl 2019 10:10

Hagsjá: Verð á olíu komið yfir 70 Bandaríkjadali

Heimsmarkaðsverð olíu hefur verið í hækkunarfasa á undanförnum mánuðum og er verðið aftur komið yfir 70 Bandaríkjadali á fatið.


Nánar

17. apríl 2019 13:09

Landsbankinn opnar gjaldeyrishraðbanka í Smáralind

Landsbankinn hefur opnað gjaldeyrishraðbanka í Smáralind og í honum er hægt að taka út evrur, Bandaríkjadali, pund og pólsk zloty. Hraðbankinn er aðgengilegur á opnunartíma Smáralindar.


Nánar

16. apríl 2019 14:50

Umræðan: Gott að fá bankaþjónustuna á móðurmálinu

Nöfnurnar Agnieszka Narkiewicz-Czurylo og Agnieszka Marzok hafa í nógu að snúast í starfi sínu sem þjónustufulltrúar í Landsbankanum. Pólskumælandi viðskiptavinir bankans eru margir og þykir mörgum gott að geta fengið bankaþjónustu á móðurmálinu.


Nánar