Fréttir

04. ágúst 2016 13:22

Landsbankinn valinn til að veita ráðgjöf við sölu á hlutabréfaeignum ríkisins

Lindarhvoll ehf. hefur ráðið Landsbankann til að veita ráðgjöf við sölu skráðra hlutabréfaeigna í umsýslu félagsins. Lindarhvoll er í eigu ríkissjóðs og hefur það hlutverk að annast umsýslu, fullnustu og sölu á eignum ríkissjóðs samkvæmt lögum um Seðlabanka Íslands. Ríkiskaup önnuðust að beiðni Lindarhvols milligöngu um öflun tilboða frá fjármálafyrirtækjum til að selja eignirnar. Niðurstaðan var gerð opinber 21. júlí sl. Eignirnar, sem um ræðir, eru Sjóvá-Almennar tryggingar hf., Reitir fasteignafélag hf., Síminn hf. og Eimskipafélag Íslands hf.

Hrefna Ösp Sigfinnsdóttir, framkvæmdastjóri Markaða hjá Landsbankanum, segir að verkefnið sé spennandi. „Sérfræðingar í markaðsviðskiptum hjá Landsbankanum hafa mikla og góða reynslu af miðlun stærri eignarhluta í skráðum hlutabréfum og bankinn er leiðandi í veltu í Kauphöll. Því er ljóst að Landsbankinn er ákjósanlegur samstarfsaðili fyrir ríkið við sölu eignanna,“ segir Hrefna.

30. mars 2020 16:00

Vegna álags getur þjónusta tekið lengri tíma

Við leggjum okkur fram um að veita skjóta og góða þjónustu en í sumum tilvikum getur þjónusta bankans nú tekið lengri tíma en venjulega. Ástæðan er sú að hluti af starfsfólki bankans vinnur á tvískiptum vöktum eða heima hjá sér í samræmi við tilmæli landlæknis en á sama tíma hefur fyrirspurnum og ýmsum úrlausnarefnum fjölgað.


Nánar

30. mars 2020 11:32

Umræðan: Hvernig fæ ég bankaþjónustu án þess að fara í útibú?

Vegna Covid-19 þurfa margir viðskiptavinir sem eru vanir að fara í útibú til að sinna bankaerindum að nýta sér aðrar leiðir. Í nýrri grein á Umræðunni eru svör við nokkrum algengum spurningum þeirra sem eru að nota netbankann eða appið í fyrsta sinn.


Nánar

30. mars 2020 11:30

Umræðan: Hvað geri ég ef tekjurnar lækka skyndilega?

Öll finnum við fyrir áhrifum Covid-19 faraldursins. Auk áhrifanna sem smitvarnaaðgerðir hafa á daglegt líf okkar verða margir fyrir tímabundinni tekjulækkun eða tekjumissi á næstunni. Ýmis úrræði og lausnir eru í boði.


Nánar