Fréttir

13. júlí 2016 14:56

Nýtt og bráðskemmtilegt Sprota-app komið út

Nýtt og bráðskemmtilegt Sprota-app er nú komið í Google Play og App Store og þar er hægt að hala því niður endurgjaldslaust. Sprota-appið er endalaus uppspretta af skemmtun og fróðleik fyrir krakka á öllum aldri. Í Sprota-appinu fylgja krakkarnir Sprota, Hvissu, Dunki, Kjaró og öllum hinum Sprotunum í gegn um ævintýraheim Sprotanna en þar er hægt að leysa þrautir, hlusta á sögur, stafa orð, æfa sig í umferðarreglunum, lita myndir, leika á hljóðfæri, fræðast um það hvernig fara á vel með peningana sína og ótal margt fleira.

Sprota-appið er íslensk framleiðsla frá grunni. Kári Gunnarsson sá um hugmyndavinnu, hönnun og teikningar í appinu en Felix Bergsson ritaði sögu og texta. Felix sá einnig um lestur ásamt Ilmi Kristjánsdóttur, leikkonu.

Sprota-appið er tilvalinn ferðafélagi í sumarfríi fjölskyldunnar. Appið er bæði til fyrir Apple og Android-síma og spjaldtölvur.

Nánar um Sprota

27. mars 2020 14:05

Hagsjá: Verðbólga áfram undir markmiði

Vísitala neysluverðs (VNV) hækkaði um 0,23% milli mánaða í mars og mælist verðbólgan nú 2,1% samanborið við 2,4% í febrúar. Þessi mæling kom lítið á óvart, en opinberar spár lágu á bilinu 0,2% og 0,3%. Við höfðum spáð 0,3%.


Nánar

27. mars 2020 13:00

Samfélagsskýrsla Landsbankans aðgengileg á netinu

Samfélagsskýrsla Landsbankans fyrir árið 2019 er nú aðgengileg á vef bankans. Í skýrslunni er fjallað ítarlega um samfélagsábyrgð bankans og áhrif starfseminnar á umhverfi og samfélag.


Nánar

25. mars 2020 09:32

Hagsjá: Erfiðir tímar fram undan á vinnumarkaði - en kaupmáttur heldur enn við

Þrátt fyrir mun minni launabreytingar en á síðustu árum er kaupmáttur enn að aukast miðað við fyrra ár þó hann hafi minnkað eilítið í febrúar. Kaupmáttur launa var þannig 2,4% meiri nú í febrúar en í febrúar í fyrra. Það er reyndar athyglisverð staða að kaupmáttur sé enn að aukast þegar hallað hefur undan fæti í efnahagslífinu. Um næstu mánaðamót verður áfangahækkun í mörgum kjarasamningum þannig að þess má vænta að kaupmáttur aukist aftur, en þegar líður á árið má búast við því að mjög erfitt ástand á vinnumarkaðnum fari að sjást á kaupmáttartölum.


Nánar