Fréttir

08. júlí 2016 11:04

Landsbankinn hættir útgáfu og innlausn ávísana

Með tilkomu rafrænna aðferða við greiðslumiðlun hefur dregið verulega úr notkun á ávísunum, enda er rafræn greiðslumiðlun í senn einfaldari og öruggari en ávísanir. Landsbankinn hefur hætt útgáfu og sölu ávísanahefta til einstaklinga og fyrirtækja og mun hætta innlausn innlendra ávísana 15. ágúst nk.

Notkun á ávísunum hefur dregist verulega saman og sífellt færri verslanir og þjónustuaðilar taka við þeim. Landsbankinn í samvinnu við Reiknistofu bankanna vinnur nú að því að endurnýja grunnupplýsingakerfi bankans og ekki er gert ráð fyrir umsýslu með ávísanir í nýja kerfinu.

Notkun á ávísunum hefur undanfarin ár einkum verið bundin við fá fyrirtæki og stofnanir. Yfir 100.000 viðskiptavinir Landsbankans nýta sér aðrar leiðir til að greiða og millifæra. Fjölmargar leiðir standa til boða:

  • Greiðslukort (debet og kreditkort)
  • Netbankar einstaklinga og fyrirtækja
  • L.is – farsímabanki Landsbankans
  • Þjónustuver bankans í síma 410 4000
  • Víðtækt net hraðbanka
  • Þjónustusími bankanna 515 4444

Allar frekari upplýsingar er hægt að nálgast hjá Þjónustuveri Landsbankans í síma 410 4000, með því að senda fyrirspurn á netfangið info@landsbankinn.is eða í næsta útibúi.

17. október 2019 13:51

Umræðan: Sæmdarkúgun – óþægilegar en innihaldslausar hótanir

Ein tegund fjárkúgunar er svonefnd sæmdarkúgun (e. sextortion) þar sem vegið er að sæmd og friðhelgi viðkomandi í þeim tilgangi að beita kúgun. Fjallað er um sæmdarkúgun í nýrri grein á Umræðunni. Október er í Evrópu helgaður baráttu fyrir auknu netöryggi og Landsbankinn tekur þátt í átakinu.


Nánar

15. október 2019 10:30

Landsbankinn + Iceland Airwaves kynna: Tómas Welding

Landsbankinn hitar upp fyrir Iceland Airwaves með því að birta ný myndbönd og viðtöl við ungt tónlistarfólk á Iceland Airwaves-vef bankans. Nú er komið að síðasta myndbandinu sem er með söngvaranum Tómasi Welding.


Nánar

21. október 2019 09:53

Sigurður Kári Tryggvason til Landsbankans

Sigurður Kári Tryggvason, lögmaður, hefur verið ráðinn til starfa hjá Fyrirtækjaráðgjöf Landsbankans. Sigurður Kári var áður lögfræðingur hjá Almenna lífeyrissjóðnum frá árinu 2016. Hann starfaði sem fulltrúi hjá LEX lögmannsstofu árin 2011-2015, var í starfsnámi hjá EFTA dómstólnum á árinu 2013 og sat í stjórn Landsbréfa 2011-2012.


Nánar