Fréttir

22. apríl 2016 10:25

Lesið í markaðinn - ný bók um eignastýringu og fjárfestingar

Landsbankinn stendur að útgáfunni í samvinnu við bókaútgáfuna Crymogea.

Lesið í markaðinn er eitt ítarlegasta rit sem komið hefur út á íslensku um eignastýringu og fjárfestingu. Bókin er lykilrit fyrir fagfjárfesta og þá sem eru að stíga sín fyrstu skref á verðbréfamarkaði.

Aðferðir sem hafa breyst og þróast í tímans rás

Höfundarnir Svandís Rún Ríkarðsdóttir, sjóðstjóri í Eignastýringu Landsbankans, og Sigurður B. Stefánsson, framkvæmdastjóri Rose Atlantic, rannsökuðu hvernig aðferðir við fjárfestingu og eignastýringu urðu til og hvernig þær hafa mótast í tímans rás. Í bókinni er saga helstu kenninga um stefnu verðbréfamarkaðarins rakin frá 1890 og fram á 21. öld. Í ljós kemur að kenningar gömlu meistaranna eru enn í fullu gildi og mikið má læra af sögunni. Bókin er rúmlega 420 blaðsíður með fjölmörgum skýringamyndum og ljósmyndum.

Sigurður og Svandís hafa starfað saman við eignastýringu frá árinu 2004. „Allan þennan tíma höfum við velt fyrir okkur sérstaklega þeim aðferðum sem beitt er og hvers vegna þeim er beitt. Okkur langaði til að setja fram á íslensku þessa sögu hugmynda um fjárfestingu og eignastýringu og vonumst til að lesandinn fræðist eins mikið um þær og við höfum gert við vinnslu bókarinnar, “segir Svandís.

Nánar um bókina á vef Crymogea

Höfundarnir ræddu um bókina á ráðstefnu Landsbankans um tækifæri og horfur á alþjóðlegum fjármálamörkuðum í aðdraganda afnáms fjármagnshafta á Íslandi.

Upptaka af erindi Sigurðar og Svandísar

25. maí 2020 11:45

Hagsjá: Verð íslenskra sjávarafurða hélt áfram að hækka á fyrsta ársfjórðungi

Efnahagsleg áhrif Covid-19 megnuðu ekki að lækka verð á íslenskum sjávarafurðum á fyrsta ársfjórðungi.


Nánar

25. maí 2020 10:30

Hagsjá: Verulega breytt neysla í samkomubanni

Áfengiskaup jukust til muna og samdráttur var nær algjör í kaupum á ferðatengdri þjónustu.


Nánar

25. maí 2020 08:10

Vikubyrjun 25. maí 2020

Samkvæmt tölum Vinnumálastofnunar var skráð atvinnuleysi í apríl 17,8% af áætluðum fjölda fólks á vinnumarkaði. Skiptingin var þannig að almennt atvinnuleysi var 7,5% og atvinnuleysi vegna skerts starfshlutfalls 10,3%. Við búumst við að almennt atvinnuleysi nái hámarki í ágúst og september og fari þá í 13%. Gangi þessi spá eftir verða rétt undir 30 þúsund manns á atvinnuleysisbótum þessa tvo mánuði.


Nánar

Skráðu þig á póstlista