Fréttir

19. apríl 2016 16:58

Slysavarnafélagið Landsbjörg og Landsbankinn taka höndum saman

Slysavarnafélagið Landsbjörg og Landsbankinn hafa skrifað undir samning um að bankinn verði einn af aðalstyrktaraðilum félagsins. Samningurinn er til þriggja ára. Landsbankinn vill með þessu styðja við bakið á öflugu slysavarna- og björgunarstarfi Slysavarnafélagsins Landsbjargar en félagið er landssamtök björgunarsveita og slysavarnadeilda á Íslandi og eru ein stærstu sjálfboðaliðasamtök á Íslandi. Auk fjárframlags felur samningurinn m.a. í sér samstarf um fræðslu og kynningu á starfsemi félagsins.

Ómetanlegt starf um allt land

„Slysavarnarfélagið Landsbjörg og aðildarfélög þess vinna frábært starf um allt land. Það er ómetanlegt fyrir okkur sem búum á Íslandi að eiga svona öflug sjálfboðaliðasamtök. Við í Landsbankanum erum afar ánægð með að geta lagt þeim lið,“ segir Steinþór Pálsson, bankastjóri Landsbankans.

Mikilvæg viðbót við aðrar fjáröflunarleiðir

„Það er mjög ánægjulegt að Landsbankinn hafi ákveðið að styrkja félagið með svo myndarlegum hætti og renna með því styrkari stoðum undir björgunar- og slysavarnamál á Íslandi. Það kostar mikla fjármuni að halda úti öflugu björgunarstarfi og standa fyrir virkum slysavörnum. Samstarfssamningar við fyrirtæki eru afar mikilvæg viðbót við aðrar fjáröflunarleiðir til góðra verka. Framlag Landsbankans mun koma sér vel og við hlökkum til samstarfsins,“ segir Smári Sigurðsson, formaður Slysavarnarfélagsins Landsbjargar.

27. mars 2020 14:05

Hagsjá: Verðbólga áfram undir markmiði

Vísitala neysluverðs (VNV) hækkaði um 0,23% milli mánaða í mars og mælist verðbólgan nú 2,1% samanborið við 2,4% í febrúar. Þessi mæling kom lítið á óvart, en opinberar spár lágu á bilinu 0,2% og 0,3%. Við höfðum spáð 0,3%.


Nánar

27. mars 2020 13:00

Samfélagsskýrsla Landsbankans aðgengileg á netinu

Samfélagsskýrsla Landsbankans fyrir árið 2019 er nú aðgengileg á vef bankans. Í skýrslunni er fjallað ítarlega um samfélagsábyrgð bankans og áhrif starfseminnar á umhverfi og samfélag.


Nánar

25. mars 2020 09:32

Hagsjá: Erfiðir tímar fram undan á vinnumarkaði - en kaupmáttur heldur enn við

Þrátt fyrir mun minni launabreytingar en á síðustu árum er kaupmáttur enn að aukast miðað við fyrra ár þó hann hafi minnkað eilítið í febrúar. Kaupmáttur launa var þannig 2,4% meiri nú í febrúar en í febrúar í fyrra. Það er reyndar athyglisverð staða að kaupmáttur sé enn að aukast þegar hallað hefur undan fæti í efnahagslífinu. Um næstu mánaðamót verður áfangahækkun í mörgum kjarasamningum þannig að þess má vænta að kaupmáttur aukist aftur, en þegar líður á árið má búast við því að mjög erfitt ástand á vinnumarkaðnum fari að sjást á kaupmáttartölum.


Nánar