Fréttir

11. mars 2016 13:20

Mannvirkjagerð á Íslandi

Ráðstefna Landsbankans og Samtaka iðnaðarins um mannvirkjagerð á Íslandi sem haldin var þann 3. mars sl. heppnaðist mjög vel og var salurinn í Laugardalshöll fullskipaður.

Á ráðstefnunni var farið yfir mannvirkjagerð á Íslandi frá ýmsum sjónarhornum. Steinþór Pálsson, bankastjóri Landsbankans, setti ráðstefnuna en alls fluttu 10 sérfræðingar erindi, þar af þrír frá Landsbankanum.

Ráðstefnan markaði upphaf stórsýningarinnar Verks og vits 2016 sem haldin var í Laugardalshöll dagana 3.-6. mars en Landsbankinn er einn af samstarfsaðilum sýningarinnar. Fjölmargir gestir lögðu leið sína á kynningarsvæði Landsbankans. Þar gátu þeir m.a. kynnt sér möguleika á framkvæmdafjármögnun, bíla og tækjafjármögnun og hefðbundnum íbúðalánum. Markaðshlutdeild Landsbankans á þessum sviðum fjármögnunar er firnasterk.

Kynningar

Daníel Svavarsson, forstöðumaður Hagfræðideildar Landsbankans
Þróun hagvísa á Íslandi

Bjarni Már Gylfason, hagfræðingur Samtaka iðnaðarins
Mannvirkjagerð á tímamótum

Ari Skúlason, sérfræðingur Hagfræðideildar Landsbankans
Of lítið framboð leiðir gjarnan til verðhækkana

Jón Bjarni Gunnarsson, aðstoðarframkvæmastjóri Samtaka iðnaðarins
Nýjar tölur og áhrif á höfuðborgarsvæðið

Davíð Björnsson, forstöðumaður mannvirkjafjármögnunar Landsbankans
Þróun uppbyggingar í miðborginni

Hrafnkell Proppé, svæðisskipulagsstjóri hjá Samtökum sveitarfélaga á höfuðborgarsvæðinu
Uppbygging höfuðborgarsvæðisins á næstu árum

Friðrik Á. Ólafsson, forstöðumaður byggingasviðs Samtaka iðnaðarins
Nýjustu breytingar á byggingareglugerð

Guðrún Ingvarsdóttir, forstöðumaður nýframkvæmda hjá Búseta
Má lækka byggingakostnað án þess að fórna gæðum?

Aðalheiður Atladóttir, formaður Arkitektafélags Íslands
Breyttar áherslur og þarfir

Þórólfur Árnason, forstjóri Samgöngustofu
Er hægt að hanna samgönguöryggi?

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista